امیر جماعت اسلامی کراچی حافظ نعیم الرحمان نے کہا ہے کہ جماعت اسلامی کے سوا کوئی کراچی کو بہتر نہیں کرسکتا ہے کیونکہ کوئی جماعت کراچی کو اپنا گھر نہیں سمجھتی ہے۔

حافظ نعیم الرحمان نے پریس کانفرنس کرتے ہوئے کہا کہ اس شہر کا حق مارا جارہا ہے  اور حق مارنے والے کراچی سے مینڈیٹ لینے والے ہیں  اور وہ دوبارہ اس تاریخ کو دہرانا چاہتے ہیں ۔

یہ بھی پڑھیں: کراچی اور حیدرآباد میں بلدیاتی انتخابات 15 جنوری کو ہوں گے، الیکشن کمیشن

انہوں نے کہا کہ جب آپریشن ہوئے سات آٹھ سال پہلے تو لوگوں نے کہا کہ اب دوبارہ شہر میں بوری بند لاشوں کا کلچر نہیں آ پائے گا مگر بعض عناصر ایسا نہیں چاہتے  اور ایک مرتبہ پھر وہ شہر پر قبضہ کرنا چاہتے ہیں۔

انہوں نے مزید کہا کہ عوام کراچی کی بہتری کے لیے یہ بات جانتے ہیں کہ جماعت اسلامی کے سوا کوئی کراچی کو بہتر نہیں کرسکتا، جو اس بات کا ضامن ہے کہکراچی کے لوگ شعور کا مظاہرہ کررہے ہیں ۔

امیر جماعت اسلامی کا کہنا تھا کہ بلدیاتی الیکشن عوام کی دیمانڈ ہے، 80 سے زائد لوگوں نے کہا کہ الیکشن ہونا چاہیے اور کل ہائی کورٹ نے بھی سازشوں پر پانی پھیرتے ہوئے اپنے فیصلے کو پر قرار رکھا  ہے۔

ان کا کہنا تھا کہ میری عوام سے گزارش ہے کہ 15 جنوری کو بلدیاتی انتخابات والے دن گھر میں آرام نہیں ، ووٹ ڈالنے کے لئے نکلیںاور پولنگ اسٹیشن پر 2 سے 3  گھنٹے تک موجود رہیں تاکہ دھاندلی کرنے والوں کی حوصلہ شکنی ہو۔

انہوں نے بتایا کہ بلدیاتی انتخابات میں ہمارا ممبر منتخب ہونا چاہیے ، کراچی کی عوام ترازو کے نشان کو یاد رکھیں ۔

یہ بھی پڑھیں: بلدیاتی انتخابات کا معاملہ، فول پروف سیکیورٹی کیلئے ای سی پی کا آئی جی سندھ کو خط