بلدیاتی انتخابات کے دوسرے مرحلے کے دوران فول پروف سیکیورٹی کو یقینی بنانے کیلئے الیکشن کمیشن آف پاکستان نے آئی جی سندھ کو خط لکھ دیا ہے۔
خط میں بتایا گیا ہے کہ 15 جنوری کو کراچی اور حیدرآباد میں بلدیاتی انتخابات کا دوسرا مرحلہ ہونا ہے تاہم شہر اور عوم کی سیکیورٹی کو یقینی بنائے۔
الیکشن کمیشن کی جانب سے خط میں آئی جی سندھ کو ہدایت کی گئی ہے کہ پولنگ عملے اور ووٹرز کی حفاظت کیلۓ جامع سیکیورٹی پلان مرتب کیا جائے۔
یہ بھی پڑھیں: کراچی اور حیدرآباد میں بلدیاتی انتخابات 15 جنوری کو ہوں گے، الیکشن کمیشن
اسکے علاوہ خط میں شفاف الیکشن کا انعقاد ممکن بنانے کے لیے سخت اقدامات کرنے کی ہدایت بھی کی گئی ہے اور بتایا گیا ہے کہ سکیورٹی اقدامات میں کسی بھی قسم کی کوتاہی مزموم عناصر کو ان کے سنگین مقاصد کے حصول میں مددگار ٹابت ہوسکتی ہے۔
خیال رہے کہ الیکشن کمیشن نے سندھ میں بلدیاتی انتخابات کے دوسرے مرحلے کو شیڈول کے مطابق 15 جنوری کو کرانے کا اعلان کیا ہے۔
اس حوالے سے چیف سیکریٹری اور آئی جی سندھ کو ہدایت جاری کی گئی ہے کہ بلدیاتی انتخابات کا انعقاد یقینی بنایا جائے۔
دوسری جانب الیکشن کمیشن کی جانب سے بلدیاتی انتخابات کے دوران انتہائی حساس پولنگ اسٹیشنز پر فوج اور رینجرز کی تعیناتی کیلئے سیکریٹری داخلہ کو خط ارسال کردیا گیا ہے۔
خط میں بتایا گیا ہے کہ 15 جنوری کو سندھ دوسرے مرحلے کے بلدیاتی انتخابات ہیں تاہم علاقوں کی حساسیت کو مدنظر رکھتے ہوئے اور سیاسی اتار چڑھاؤ کی وجہ سے کسی بھی ناخوشگوار واقعے کو روکنے کے لیے فوج اور رینجرز تعینات کی جائے ۔
مطالبہ کیا گیا ہے کہ 15 جنوری کو سندھ رینجرز کو دوسرے درجے اور فوج کو تیسرے درجے پر تعینات کیا جائے اور پولنگ اسٹاف کو ار او افس سے بیلٹ پیپرز کی پولنگ اسٹیشن تک ترسیل کے لیے سیکورٹی یقینی بنائی جائے۔
یہ بھی پڑھیں: بلدیاتی انتخابات، فوج اور رینجرز کی تعیناتی کیلئے سیکریٹری داخلہ کو خط ارسال
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News