پاکستان کے سابق کپتان اظہر علی پُرامید ہیں کہ وہ ریٹائرمنٹ کے بعد کاؤنٹی کرکٹ کھیل سکتے ہیں۔

تفصیلات کے مطابق پاکستان کے سابق کپتان اظہر علی، جنہوں نے گزشتہ سال دسمبر میں ٹیسٹ کرکٹ سے ریٹائرمنٹ کا اعلان کیا تھا، کاؤنٹی کرکٹ کھیلنے کے لیے پرعزم ہیں۔

اظہر کو ووسٹر شائر کاؤنٹی کلب نے 2023 کے سیزن کے لیے برقرار رکھا تھا، ٹاپ آرڈر بلے باز نے ایل وی انشورنس کاؤنٹی چیمپئن شپ میں 11 میچوں میں 656 رنز بنائے۔

اظہر علی نے رائل لندن کپ میں نارتھمپٹن شائر کے خلاف 130 رنز کی اننگز سمیت 185 رنز بنائے۔

اظہر علی نے کہا کہ مجھے کرکٹ کھیلنا اچھا لگتا ہے، میں اس سال ووسٹر شائر کے لیے جا کر کھیلوں گا اور اپنی بہترین کارکردگی دکھانے کی کوشش کروں گا۔

واضح رہے کہ اظہر علی نے انگلینڈ کے دورہ پاکستان کے دوران اپنی ریٹائرمنٹ کا اعلان کیا اور صرف تین میچوں میں 100 رنز بنائے تھے۔

پاکستان اور انگلینڈ کے درمیان تیسرا ٹیسٹ اور اظہر علی کا آخری ٹیسٹ ان کے کیریئر کا 97 واں ٹیسٹ تھا۔

پاکستان کے صرف پانچ کھلاڑی ہی 100 ٹیسٹ میچوں کے اسکور تک پہنچ سکے ہیں۔

جاوید میانداد نے سب سے زیادہ (124) ٹیسٹ کھیلے ہیں اس کے بعد انضمام الحق (119)، یونس خان (118)، وسیم اکرم (104)، اور سلیم ملک (103) ہیں۔

اظہر علی نے اپنے مستقبل کے منصوبوں کے بارے میں بھی بات کرتے ہوئے کہا کہ اس وقت میں نے ٹیسٹ کرکٹ سے ریٹائرمنٹ لی ہے اور اپنے وقت سے لطف اندوز ہو رہا ہوں۔

کوچنگ کے حوالے سے اظہر کا کہنا تھا کہ میں یہ آپشن بعد میں دیکھوں گا۔

اظہر علی نے یہ بھی بتایا کہ وہ پاکستان سپر لیگ (پی ایس ایل) کے آئندہ ایڈیشن کے بارے میں پرجوش ہیں۔

انہوں نے کہا کہ پی ایس ایل کے ہر دوسرے مداح کی طرح میں بھی پی ایس ایل 8 کے آغاز کے حوالے سے بہت پرجوش ہوں۔

سابق کپتان کے مطابق پی ایس ایل اب خاص محسوس ہوتا ہے کیونکہ یہ ہمارے ملک میں ہوتا ہے اور لوگ بڑی تعداد میں سٹیڈیم آ کر میچز سے لطف اندوز ہوتے ہیں۔