سابق وزیراعظم اور چیئرمین پی ٹی آئی عمران خان نے وفاقی حکومت پر دباؤ بڑھانے کا فیصلہ کرتے ہوئے جلد ہی سڑکوں پر آنے کا امکان ظاہر کردیا ہے۔

اس حوالے سے ذرائع کا کہنا ہے کہ چیئرمین پی ٹی آئی عمران خان چند روز میں پنجاب اور کے پی کے لئے انتخابی مہم کے معاملات کو بھی حتمی شکل دیں گے۔

ذرائع نے بتایا کہ عمران خان کی صحت میں بہتری کی صورت میں ڈاکٹرز نے ایک ہفتے بعد ٹانگ سے پلاسٹر اتارنے کی یقین دہانی کرادی ہے جس کے بعد  سڑکوں پر آنے کے لئے تیار ہیں۔

یہ بھی پڑھیں: عمران خان کا وفاقی حکومت کے گرد گھیرا تنگ کرنے کا فیصلہ

ذرائع کا کہنا تھا کہ عمران خان ٹانگ کا پلاسٹر اترتے ہی سیاسی سرگرمیوں کی براہ راست فیلڈ میں قیادت سنبھالیں گے اور ن فروری کے پہلے ہفتے یا اس سے بھی پہلے اسٹریٹ موومنٹ کی قیادت کریں گے۔

ذرائع نے بتایا ہے کہ عمران خان پنجاب اور کے پی میں بھی بھرپور انتخابی مہم کی قیادت کریں گے جس کا لائحہ عمل طے کرنے کے لئے اجلاس طلب کر لیے گئے ہیں۔

ذرائع کا کہنا تھا کہ عمران خان آج لاہور تنظیم کے ساتھ اس حوالے سے مشاورت کریں گے اور باقی تنظیموں کے ساتھ بھی مرحلہ وار میٹنگز کریں گے۔

خیال رہے کہ سابق وزیراعظم اور چیئرمین پی ٹی آئی عمران خان نے وزیراعظم شہباز شریف کے خلاف اعتماد کے ووٹ کی کارروائی کرنے کی منظوری دے دی ہے۔

اسکے علاوہ چیئرمین پی ٹی آئی نے قومی اسمبلی میں واپسی کا بھی عندیہ دے دیا ہے  جس پر پارٹی رہنماؤں سے مشاورت جاری ہے ۔

یہ بھی پڑھیں: عمران خان نے وزیراعظم کیخلاف اعتماد کے ووٹ کی کارروائی کرنے کی منظوری دیدی