بولان کے علاقے میں گیس پائپ لائن دھماکے سے اڑا دی گئی

ویب ڈیسک

18th Jan, 2023. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بولان کے علاقے میں گیس پائپ لائن دھماکے سے اڑا دی گئی

مسلح افراد نے بولان کے علاقے میں گیس پائپ لائن دھماکے سے اڑا دی۔

تفصیلات کے مطابق مسلح افراد نے بولان کے علاقے سراج آباد میں کوگرت کے مقام پر گیس پائپ لائن دھماکے سے اڑا دی۔

سوئی سدرن گیس کمپنی ( ایس ایس جی سی) کے حکام کا کہنا ہے کہ دھماکے کے نتیجے میں 12 انچ قطر کی گیس ٹرانسمشین لائن تباہ ہوئی ہے جس کی وجہ سے کوئٹہ، پشین، مستونگ اور زیارت کے علاقوں میں گیس کی کمی سامنا ہے۔

ایس ایس جی سی ذرائع کا کہنا ہے کہ بولان دھماکے سے تباہ گیس پائپ لائن کی مرمت کا کام تاحال مکمل نہ ہوسکا۔ بولان گیس پائپ لائن دھماکے کے بعد کوئٹہ، مچھ، مستونگ، قلات اور زیارت میں گیس فراہمی میں واضح کمی ہوئی ہے۔

ذرائع کا کہنا ہے کہ گیس پائپ لائن پر سیکیورٹی کلیئرنس کے باعث کام شروع نہ ہوسکا۔

ایس ایس جی سی ذرائع کا کہنا ہے کہ سیکیورٹی ملتے ہی دھماکے سے متاثرہ پائپ لائن کی مرمت کا کام شروع کیا جائے گا۔

سوئی سدرن گیس کمپنی کے حکام کا کہنا ہے کہ متاثرہ علاقوں کو گیس متبادل ذرائع سے فراہم کی جارہی ہے۔