آئی ایم ایف کی ایماء پر حکومت کو سخت فیصلے کرنے ہوں گے، وزیر مملکت خزانہ

عمر حیات خان

19th Jan, 2023. 02:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی ایم ایف کی ایماء پر حکومت کو سخت فیصلے کرنے ہوں گے، وزیر مملکت خزانہ

وزیر مملکت خزانہ عائشہ غوث پاشا کا کہنا ہے کہ آئی ایم ایف کی ایماء پر حکومت کو سخت فیصلے کرنے ہوں گے۔

تفصیلات کے مطابق اسلام آباد میں میڈیا سے گفتگو کرتے ہوئے وزیر مملکت برائے خزانہ عائشہ غوث پاشا کا کہنا تھا کہ ملکی معیشت کی بحالی کے لیے آئی ایم ایف پروگرام ناگزیر ہے۔

عائشہ غوث پاشا نے کہا کہ حکومت آئی ایم ایف پروگرام کی جلد بحالی چاہتی ہے۔ آئی ایم ایف کے بہت سے تحفظات دور کر دیئے گئے ہیں۔

انہوں نے کہا کہ آئی ایم ایف پروگرام کے حوالے سے آج بھی اجلاس ہوگا۔ آئی ایم ایف پروگرام کی بحالی کے لیے سخت فیصلے کرنے پڑیں گے۔ تمام طبقوں کو بوجھ برداشت کرنا پڑے گا۔

وزیر مملکت برائے خزانہ نے کہا حکومت کی خواہش ہے کہ عام آدمی پر زیادہ بوجھ نہ پڑے۔حکومت کی کوشش ہے کہ صاحب ثروت لوگوں پر زیادہ بوجھ ڈالا جائے۔

عائشہ غوث پاشا کا کہنا تھا کہ حکومت نے آرڈیننس میں ابھی تک یہ فیصلہ نہیں کیا کہ کتنا ٹیکس لگایا جائے گا۔

واضح رہے کہ حکومت نے ڈیڑھ سو ارب روپے سے زائد کا منی بجٹ تیار کرلیا ہے جس کے لیے رواں ماہ آرڈیننس لایا جائے گا۔ یکم فروری 2023 سے منی بجٹ پر عملدرآمد شروع ہو جائے گا۔