کوئٹہ: پاکستان تحریک انصاف (پی ٹی آئی) کے چیئرمین عمران خان نے کہا ہے کہ الیکشن کیلئے ٹائیگرز تیار رہیں، آنے والا دور پی ٹی آئی کا ہے۔

تفصیلات کے مطابق چیئرمین پی ٹی آئی و سابق وزیراعظم عمران خان سے بلوچستان کے وفد کی زمان پارک میں ملاقات ہوئی ہے۔

الیکشن کیلئے ٹائیگرز تیار ہیں
آنے والا دور پی ٹی آئی کا ہے، عمران خان #BOLNews #ImranKhan pic.twitter.com/NPUOnlGrAT

— BOL Network (@BOLNETWORK) January 20, 2023

بلوچستان کے وفد نے عمران خان سے پی ٹی آئی کے صوبائی سینئر نائب صدر حاجی نواب خان دمڑ کی قیادت میں ملاقات کی۔

ملاقات میں تحریک انصاف کے چیئرمین عمران خان نے پارٹی رہنماؤں کو ہدایت دیتے ہوئے کہا کہ بلوچستان میں تنظیم کو مضبوط کریں، آئندہ کا دور پی ٹی آئی کا ہے۔

عمران خان نے مزید کہا کہ صحتیابی کے بعد جلد بلوچستان کا دورہ کرونگا، بلوچستان کو سب سے زیادہ ترقیاتی فنڈز تحریک انصاف نے دیے، بلوچستان کی تقدیر بدلنا چاہتے ہیں الیکشن کیلئے ٹائیگرز تیار رہیں۔

دوسری جانب سنئیر نائب صدر نواب خان دمڑ نے کہا کہ بلوچستان کے عوام عمران خان کو دوبارہ وزیراعظم دیکھنا چاہتے ہیں،  بلوچستان میں پی ٹی آئی کو مضبوط کررہے ہیں۔

ایسے کارڈ کھیلوں گا کہ اپوزیشن کے رونگٹے کھڑے ہوجائیں گے

گزشتہ روز عمران خان سے سینئر صافیوں کی ملاقات ہوئی جس میں عمران خان نے حکومت کو خبردار کرتے ہوئے کہا کہ  میرے پاس ابھی بہت سے ایسے کارڈ باقی ہیں، جب کھیلوں گا تو پی ڈی ایم کے رونگٹے کھڑے ہوجائیں گے۔

عمران خان نے سینئر صحافیوں سے گفتگو کرتے ہوئے کہا کہ ملک میں صاف شفاف انتخابات نہ ہوئے تو سری لنکا جیسی صورتحال پیدا ہو سکتی ہے، اگر جنرل الیکشن کی تاریخ کا اعلان نہ بھی ہوا تو سڑکوں پر احتجاج کا کوئی آپشن زیر غور نہیں۔

انہوں نے مزید کہا کہ ہر گزرتے دن کے ساتھ ہی ڈی ایم مشترکہ طور پر عوام کے سامنے بے نقاب ہو رہی ہے، پی ڈی ایم مکمل طور پر فیل ہو چکی، ان کے پاس عوام کو دینے کے لئے کچھ نہیں، پی ڈی ایم نے مشترکہ طور پر عوام کے وسائل کو اپنے مفادات کے لئے استعمال کیا۔