وفاقی وزیر برائے ریلوے خواجہ سعد رفیق نے کہا ہے کہ یہ میری ذاتی رائے ہے کہ ملک بھر میں انتخابات ایک ساتھ ہونے چاہیئے کیونکہ الگ الگ انتخابات مزید تقسیم کا باعث بنے گا۔

تفصیلات کے مطابق لاہور میں وفاقی وزیر خواجہ سعد رفیق نے میڈیا سے بات کرتے ہوئے کہا کہ آئین کی پاسداری اپنی جگہ پر ہے لیکن اس ملک میں مختلف مواقع پر انتخابات کا التواء ہوا ہے ۔

انہوں نے کہا کہ انتخابات میں التواء کا مقصد ہر گز یہ نہیں ہے کہ ہم الیکشن سے بھاگنا چاہتے ہیں جبکہ ہم نے الیکشن بدترین حالات میں بھی لڑا گیا ہے ۔

انہوں نے مزید کہا کہ الیکشن سے پی ڈی ایم کی کوئی جماعت نہیں بھاگتی ہے کیونکہ یہ پرانی جماعتیں ہیں اور کئی بار الیکشن لڑ چکی ہیں جس میں ہار جیت  ہوتی رہتی ہے لیکن ملک کو مزید کسی بحران کا شکار نہیں کیا جاسکتا ہے ۔

وفاقی وزیر کا کہنا تھا کہ ہم انتخابات کے لے مان جائیں اور پھر اگلہ الیکشن کمیشن کو تبدیل کرنے کا مطالبہ کرے جبکہ وہ ادارہ آئین کے تحت بنا ہوا ہے جسے آئینی تحفظ حال ہے۔

ان کا کہنا تھا کہ عمران خان کی یہ فطرت ہے ان کی ایک بات مانی جائے وہ دوسرا مطالبہ سامنے رکھ دیتے ہیں، دوسرا مانا جائے تو ایک اور مطالبہ سامنے آجاتا ہے۔

انہوں نے بتایا کہ ملک میں ایک وقت میں انتخابات ہونے  چاہیئے ، یہ کوئی کھیل نہیں ہے اور دوسری بات یہ ہے کہ آئین نے اختیار دیا ہے قائد اعوان کو کہ وہ اسمبلی توڑ سکتا ہے لیکن یہ ہر گز نہیں ہوسکتا ہے کہ ایک فرد بغیر وجہ بتائے اسمبلی توڑ دے۔

انہوں نے کہا کہ بغیر کسی وجہ کے کے پی اور پنجاب کی اسمبلیاں توڑ دی گئیں جس کا حکم وہ شخص دے رہا ہے جس کی کوئی آئینی حیثیت نہیں ہے اور اس حوالے سے ان کا بیان آن ریکارڈ ہے۔

انہوں نے مزید کہا کہ عمران خان نے اسمبلیاں توڑ کر کون سا آئینی کام کیا ہے اور کوئی کیوں نہیں اس طرف دیکھتا ہے کہ بغیر کسی وجہ کے دو صوبائی اسمبلیاں توڑ دی گئیں اور پھر مطالبہ کیا جارہا ہے کہ الیکشن کروائیں ۔

ان کا کہنا تھا الیکشن ہونگے لیکن اکھٹے ہونگے کیونکہ پاکستان کی عوام جن کے پاس اس وقت کھانے کو روٹی نہیں ہے وہ الیکشن الیکشن نہیں کھیل سکتے ہیں، یہ میری ذاتی رائے ہے۔