حکومت پاکستان کا پشاور زلمی کے کپتان  ڈیرن سیمی کو پاکستان کی اعزازی شہریت دینے کا فیصلہ کرنے کے بعد نیوزی لینڈ کے سابق کرکٹر اور مشہور کمنٹیٹر ڈینی ماریسن نے بھی پاکستان کا اعزازی شہری بننے کی خواہش کا اظہار کیا ہے۔

ماریسن نے کہا کہ پاکستان کرکٹ میں ان کے کردار کو بھی تسلیم کیا جانا چاہئے۔

ان کا مزید کہنا تھا کہ “میں پچھلے کچھ سالوں سے بطور کرکٹ کمنٹیٹر  کی حیثیت سے باقاعدگی سے پاکستان آرہا ہوں۔ میں نے ہمیشہ پاکستان کو کرکٹ سے محبت کرنے والے ملک کی حیثیت سے حمایت دی ہے۔

ڈیرن سیمی 23 مارچ کو پکے پاکستانی بن جائیں گے

  “ڈیرن سیمی کو پاکستان کے اعلی شہری ایوارڈ اور اعزازی شہریت سے نوازنا پاکستان حکومت کا اچھا فیصلہ ہے۔ تاہم ، پاکستان کرکٹ کے لئے میری شراکت داری پر بھی غور کیا جانا چاہئے۔

واضح  رہے کہ  صدرپاکستان ڈاکٹر عارف علوی پاکستان کرکٹ کےلیے خدمات کے اعتراف میں پشاور زلمی کے کپتان ڈیرن سیمی کو23 مارچ کو ایوارڈ اور اعزازی شہریت سے نوازیں گے۔

یاد رہے کہ ویسٹ انڈین کرکٹر نہ صرف خود تسلسل کے ساتھ پی ایس ایل کے لیے پاکستان آتے رہے ہیں بلکہ انہوں نے دیگر غیر ملکی کھلاڑیوں کو بھی یہاں آنے کے لئے قائل کرنے میں اہم کردار ادا کیا۔

پاکستان میں ڈیرن سیمی کے پرستاروں کی بہت بڑی تعداد موجود ہے اور انہیں ڈیرن سیمی خان کے نام سے پکارا جاتا ہے۔