عمران خان چاہتے ہیں کہ عدالتی کارروائی زمان پارک میں چلے، عطا تارڑ

ویب ڈیسک

16th Feb, 2023. 03:55 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان چاہتے ہیں کہ عدالتی کارروائی زمان پارک میں چلے، عطا تارڑ

معاون خصوصی عطا تارڑ نے کہا ہے کہ عمران خان چاہتے ہیں کہ عدالتی کارروائی زمان پارک میں چلے۔

تفصیلات کے مطابق معاون خصوصی عطا تارڑ نے پریس کانفرنس کرتے ہوئے کہا ہے کہ عمران خان کی کوشش تھی کہ کیس نہ چلے، ان کو سمجھ نہیں آ رہی کہ آج وہ میڈیکل رپورٹ کہاں سے بنوائیں۔

انہوں نے کہا ہے کہ عمران خان کو گھر بیٹھ کر ریلیف لینے کی عادت ہو گئی ہے، ان کی کون سی ٹانگ ہے جو 4 ماہ سے ٹھیک نہیں ہورہی؟ ان کو ضمانت کیلئے عدالت جانا پڑے گا۔

یہ بھی پڑھیں: عمران خان نے توشہ خانہ تحائف فروخت کر کے کرپشن کی، عطا تارڑ کا الزام

اس سے قبل اپنے ایک بیان میں مسلم لیگ ن کے رہنما عطا تارڑ نے کہا تھا کہ محمد خان بھٹی کی گرفتاری کا واویلا کررہے ہیں، یہ گرفتار نہیں ہوئے، ان کو ان لوگوں نے روپوش کرایا ہوا ہے۔

انہوں نے کہا کہ کیس سے بچنے کیلئے محمد خان بھٹی کی گرفتاری کا ڈراما کیا گیا۔ 60 سے 70ارب روپے کا گھپلا کیا گیا، عمران خان آئیں بائیں شائیں کرنے کے بجائے عدالت میں پیش ہوں۔

عطا تارڑ نے کہا کہ فرح گوگی کے ریڈوارنٹس کیلئے خط لکھا ہے، فرح گوگی کو پاکستان آکر کیسز کا سامنا کرنا چاہیے، عمران خان کا دامن صاف ہے تو فرح گوگی کو پاکستان لائیں، انکو پاکستان لائے تو وہ فرفر بولے گی، انہوں نے بات کی تو عمران خان کیلئے مسئلہ بن جائے گا۔