وزیر اعظم عمران خان نے ملک کے ایک ایک سیاحت کے مقامات کو اجاگر کرنے کا فیصلہ کرلیا ہے۔

ذرائع کے مطابق وزیر اعظم نے سیاحتی مقامات کے پیش نظر الگ الگ زونز پر توجہ دینے کی ہدایت کی ہے جس میں بلند چوٹیاں و حسین وادیاں خیبر پختونخوا اور گلگت بلتستان زون میں شامل ہوں گی۔

ذرائع کا کہنا ہے کہ وزیراعظم کی ہدایت کے مطابق پنجاب اور سندھ کے عظیم تاریخی مقامات کو الگ زون بناکر سیاحت فروغ دی جائے گی جبکہ کلین،گرین اور ماحول دوست ٹورازم پالسی تمام زونز کے لئے یکساں ہوگی۔

بجلی کی قیمتوں میں استحکام لانے کی کوششیں جاری ہیں، وزیراعظم

ذرائع نے بتایا ہے کہ وزیر اعظم نے ساحت کے حوالے سے چاروں صوبوں سے 2 ماہ میں ویژن ماسٹر پلان مانگ لی ہے اور ساتھ ہی وزیر اعظم نے ماسٹر پلان میں ساحلی علاقے ،پہاڑی سلسلے اور تاریخی ورثہ شامل کرنے کی ہدایت بجی کی ہے۔

ذرائع کے مطابق فیصلے وزیر اعظم کی زیر صدارت آج سیاحت کے حوالے سے اہم اجلاس میں کئے گئے جس میں وزیر اعلیٰ خیبر پختونخوا محمود خان، زلفی بخاری، ملک امین اسلم اور عمرانہ ٹوانہ شریک ہوئے ہیں جبکہ وزیر اعظم ہاوس میں ہونے والے اجلاس میں سیاحت کے عالمی ماہرین شریک ہوئے۔

اجلاس میں وزیر اعظم کے معاون زلفی بخاری نے ہیریٹیج، بیچ، اور ماونٹین ٹورازم پر بریفنگ دی۔

اجلاس میں وزیراعظم عمران خان کا کہنا تھا کہ پاکستان ٹورازم کے حوالے سے دنیا کا آئیڈیل ترین ملک ہے جہاں شاندار پہاڑی سلسلے اور قدرتی حسین وادیاں عظیم نعمت ہیں اور سیاحت کے فروغ سے صنعت ترقی کرے گی نوکریاں بھی پیدا ہوں گی۔

واضح رہے کہ اس سے قبل وزیر خارجہ شاہ محمود قریشی نے کہا ہے کہ برطانیہ کی جانب سے جاری کردہ ٹریول ایڈوائزری سے پاکستان میں سیاحت کے فروغ کے لئے نئی راہیں کھلیں گی۔