مصر کے سابق صدرحسنی مبارک کا 91 برس کی عمر میں انتقال کرگئے۔

مصرکےچوتھے صدرحسنی  مبارک نے 30 جنوری تک مصر پر حکمرانی کی ، اس سے پہلے کہ انہیں 25 جنوری کو ہونے والے انقلاب کے نتیجے میں 11 فروری 2011 کو استعفی دینے پر مجبور کیا گیا تھا۔

حسنی مبارک اور انکے بیٹوں کو 24 مئی 2011میں مظاہرین کے قتل اور کرپشن کے الزمات پر کیسز کا سامنا بھی کرنا پڑا تھا۔ تاہم 19 اگست 2013 کووہ خود پر لگے کرپشن کے الزامات سے بری ہوگئے تھے۔

حسنی مبارک نے صدر بننے سے قبل مصری ائیر فورس میں کمانڈر کی خدمات بھی سرانجام دیں۔

حسنی مبارک نے انور سادات کو قتل کیے جانے کے بعد صدر کا عہدہ سنبھالا تھا۔

حسنی مبارک کو 2013 میں ضمانت ملنے کے بعد طرہ جیل سے فوجی ہسپتال منتقل کیا گیا تھا۔

ان کو 2012 میں فروری 2011 میں مظاہرین کو سکیورٹی فورسز کے ہاتھوں ہلاک کروانے کے جرم میں عمر قید کی سزا سنائی گئی تھی۔

اس سزا کے بعد ایک اور مقدمے میں جج نے مئی 2015 میں فیصلہ سنایا کہ حسنی مبارک کو حراست سے رہا کیا جا سکتا ہے۔

تاہم صدر عبدالفتح السیسی کی حکومت عوامی ردعمل کے خوف سے ان کو رہا کرنے کے حق میں نہیں تھی۔

صدر عبدالفتح السیسی حسنی مبارک کے دور اقتدار میں ملٹری انٹیلی جنس کے سربراہ تھے اور انھوں نے سنہ 2013 میں محمد مرسی کی حکومت کا تختہ الٹا تھا۔