چیئرمین پاکستان تحریک انصاف عمران خان نے کہا ہے کہ عمران خان اور تحریک انصاف کو کمزور کرنے کی سازش کی جارہی ہے۔

تفصیلات کے مطابق چیئرمین پاکستان تحریک انصاف عمران خان نے قوم سے خطاب کرتے ہوئے کہا کہ آئین ہر انسان کو اس کے بنیادی حقوق کی حفاظت کا حق دیتی ہے جبکہ پاکستان میں آئین اور قانون کی کوئی عزت ہی نہیں ہے۔

عمران خان نے کہا بتانا چاہتا ہوں کہ ملک میں کیا ہورہا ہے، قوم کو آگاہ کرنا چاہتا ہوں کہ کس طرح پاکستان کو بناناری پبلک بنا دیا گیا ہے، تحریک انصاف کی حکومت جانے کے بعد ارکان سے بیانات دلوائے جارہے ہیں۔

ان کا کہنا تھا کہ عدلیہ کی سب سے بڑی ذمہ داری ہمارے حقوق کی حفاظت ہے، چیف جسٹس سے درخواست ہے جاوید علی کے معاملے پر نوٹس لیں، چیف جسٹس جاوید علی کی کہانی سنیں، پوچھیں کون ہے، جاوید علی ایک چوکیدار کی نوکری کررہا ہے، اس کےساتھ ایسا کیا، جاوید علی کی اہلیہ کو دھمکایا گیا کہ آپکے شوہر کو بدنام کریں گے۔

عمران خان نے کہا کہ جب سےہماری حکومت گئی ہے کہہ رہا ہوں کہ بنیادی حقوق کی حفاظت کون کرے گا۔

 انہوں نے کہا کہ شہباز گل پر تشدد کیا گیا، انہیں کہا گیا کہ ہمارے خلاف بیان دو، اعظم سواتی کو اٹھایا گیا، انہوں نے قوم کے سامنے بتایا، اعظم سواتی نے کہا این آر او ٹو باجوہ نے دیا، قوم جانتی ہے۔

ان کا کہنا تھا کہ ہم ملک میں 12 فیصد مہنگائی چھوڑ کر گئے جبکہ آج 41 فیصد ہے۔

عمران خان نے کہا کہ ہم نے پرامن احتجاج جیل بھرو تحریک شروع کی، جو لوگ گرفتار کیے گئے انہیں دوردراز علاقوں میں لےگئے، عدلیہ نوٹس لے تاکہ شہریوں کو خوف نہ رہے۔

انہوں نے کہا کہ عدلیہ کےخلاف مہم چلائی جارہی ہے، یہ لوگ سیاستدان نہیں بلکہ مافیا ہیں، مریم نواز جلسوں میں آڈیو ویڈیوز ٹیپس چلا رہی ہیں۔

ان کا کہنا تھا کہ اپنے شہریوں کے ساتھ ایسا کرنا ملک کی تاریخ میں کبھی نہیں ہوا۔

چیئرمین پاکستان تحریک انصاف عمران خان نے مزید کہا کہ کسی کو نہ قانون کی فکر ہے اور نہ آئین کی، ان کا بس ایک مقصد ہے کہ تحریک انصاف کو کمزور کردیا جائے۔