حال ہی میں فیفا ورلڈکپ جیتنے والی ٹیم ارجنٹینا کے کپتان لیونل میسی نے 35 گولڈ پلیٹڈ آئی فون 14 تحفے میں دے دیے۔

تفصیلات کے مطابق لیونل میسی نے ورلڈ کپ جیتنے کی خوشی میں ارجنٹائن  ٹیم کے تمام کھلاڑیوں اور عملے کو 35 گولڈ پلیٹڈ آئی فون 14 تحفے میں دیے ہیں۔

یہ بھی پڑھیں: لیونل میسی فیفا 2022 کے بہترین فٹ بالر قرار

24 قیراط سونے کے 35 آئی فون 14 کی قیمت  ایک لاکھ 75 ہزار یورو(تقریباً 5 کروڑ 18 لاکھ پاکستانی روپے سے زائد) ہے۔

ہر شخص کے لیے مخصوص تمام آئی فونز پر ان کے نام، جرسی کا نمبر اور ارجنٹائن کا لوگو کندہ  ہے۔

واضح رہے کہ ارجنٹائن نے فرانس کو پینالٹی کک پر 2-4 سے شکست دے کر تیسری  مرتبہ ورلڈ کپ  ٹائٹل اپنے نام کیا تھا جبکہ اپنا آخری ورلڈکپ کھیلنے والے  لیونل میسی  نے اپنی پہلی ورلڈ کپ ٹرافی جیتی تھی۔

یہ بھی پڑھیں: لیونل میسی کو قتل کی دھمکی موصول

دوسری جانب گزشتہ روز  لیونل میسی کو قتل کرنے کی دھمکی  بھی موصول  ہوئی۔

 ارجنٹائن کے شہر روساریو میں لیونل میسی کی اہلیہ  انٹونیلا روکازو کے خاندان کی ملکیت والی سُپر مارکیٹ پر دو نامعلوم موٹر سائیکل سواروں نے فائرنگ کی اور لیونل میسی کے لیے ایک دھمکی آمیز پیغام  بھی چھوڑ کر گئے جس میں لکھا تھا کہ ’ میسی، ہم تمہارا انتظار کر رہے ہیں(روزاریو میئر پابلو) جاوکن بھی منشیات کا اسمگلر ہے، اس لیے وہ تمہارا خیال نہیں رکھے گا‘۔