حال ہی میں فیفا ورلڈکپ جیتنے والی ٹیم ارجنٹینا کے کپتان لیونل میسی کو قتل کرنے کی دھمکی موصول ہوگئی۔
بین الاقوامی خبر رساں ادارے کے مطابق ارجنٹائن کے شہر روساریو میں لیونل میسی کی اہلیہ انٹونیلا روکازو کے خاندان کی ملکیت والی سُپر مارکیٹ پر دو نامعلوم موٹر سائیکل سواروں نے فائرنگ کی۔
مقامی پولیس کا کہنا ہے کہ سُپر مارکیٹ کے صدر دروازے پر کم از کم 14 گولیاں ماری گئیں ۔ تاہم خوش قسمتی سے صبح سویرے ہونے والے اس حملے میں کوئی بھی زخمی نہیں ہوا۔
پولیس نے بتایا کہ اسلحہ بردار حملہ آور لیونل میسی کے لیے ایک دھمکی آمیز پیغام بھی چھوڑ کر گئے جس میں لکھا تھا کہ ’ میسی، ہم تمہارا انتظار کر رہے ہیں(روزاریو میئر پابلو) جاوکن بھی منشیات کا اسمگلر ہے، اس لیے وہ تمہارا خیال نہیں رکھے گا‘۔
پولیس کا کہنا ہے کہ ابھی تک یہ واضح نہیں ہوسکا کہ حملہ آور لیونل میسی یا سپر مارکیٹ کو کیوں نشانہ بنائیں گے جو میسی کی اہلیہ انتونیلا روکوزو کے خاندان کی ملکیت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News