وزیراعظم عمران خان ایک روزہ دورے پر قطر پہنچ گئےہیں ۔ جہاں وہ امیر قطر شیخ تمیم بن حمد بن الثانی سے ملاقات کریں گے۔
تفصیلات کے مطابق وزیراعظم کے دورے کا مقصد دو طرفہ تعاون کومستحکم کرنا اورعلاقائی صورتحال میں موجودہ تبدیلیوں پرتبادلہ خیال کرنا ہےاوورسیز پاکستانیوں کے امور کے بارے میں وزیراعظم کے معاون خصوصی ذوالفقار بخاری اور پیٹرولیم کے معاون خصوصی ندیم بابر وزیراعظم کے ہمراہ ہیں۔
وزیراعظم عمران خان ایک روزہ دورے میں قطر کے امیر سے ملاقات کریں گے جس میں باہمی دلچسپی کے امور پر غورکیا جائے گا۔ عمران خان قطر کے سرمایہ کاروں اور تاجروں سے بھی ملاقات کریں گے۔
حکومت سنبھالنے کے بعد وزیراعظم عمران خان کا یہ دوسرا دورہ ہے۔ قطر کے امیر نے جون 2019میں پاکستان کا دورہ کیا تھا۔ اس دورے کے نتیجہ میں مختلف شعبوں میں دوطرفہ اقتصادی تعاون کو تقویت ملی ہے۔ وزیراعظم کا یہ دورہ اس عمل کو مزید آگے بڑھائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
