سابق وفاقی وزیر فواد چوہدری نے کہا ہے کہ پاکستان لسانی فتنہ برداشت نہیں کرسکتا ہے، پاکستان کو مشکلات سے نکالنے کا واحد حل انتخابات ہیں۔

تفصلات کے مطابق پاکستان تحریک انصاف کے رہنما فواد چوہدری نے کہا ہے کہ روزانہ جب ہم صبح اٹھتے ہیں تو معلم یہ ہوتا ہے ایک سے 2 نئے کیسز میں اضافہ ہوگیا ہے ۔

انہوں نے کہا ہے کہ ہر منصب کے کچھ تقاضے ہوتے ہیں اور 8 تاریخ سے جو زمان پارک میں ہورہا ہے اور آج جو چھ بھی نگراں وزیراعلیٰ پنجاب نے کہا ہے وہ بہت خطرناک ہے۔

انہوں نے مزد کہا کہ دوسرے شہروں سے آنے والے پی ٹی آئی کے کارکنان پر پولیس کو تشدد کرنے کی کھلی چھوٹ دینا غلط ہے ، پاکستان اس وقت اس جگہ کھڑا ہے جہاں یہ ملک کوئی لسانی فتنہ برداشت نہیں کرسکتا ہے۔

یہ بھی پڑھیں: شہباز شریف کی وجہ سے ملک میں معاشی بحران آرہا ہے، فواد چوہدری

فواد چوہدری کا کہنا تھا کہ اس وقت کسی میں اتنی طاقت نہیں کہ وہ ملک میں شروع ہونے والی لسانی فساد کو روک سکے ، اقتدار میں بیٹھے لوگوں کو اندازہ ہی نہیں ہے کہ وہ آگ سے کھیل رہے ہیں ۔

ان کا کہنا تھا کہ بحیثیت پاکستان میں نگراں حکومت اور اعلیٰ افسران کو آگاہ کرنا چاہتا ہوں کہ اپنے الفاظ کا استعمال بہت محتاط انداز میں کریں کیونکہ یہ بہت ظالم ہوتے ہیں ایک بار بول دیا جائے تو پھر اس سے بہت مسائل بھی پیدا ہوسکتے ہیں۔

انہوں نے بتایا کہ اس وقت بیانات میں توازن لانے کی ضرورت ہے اور تشدد کی حمایت نہیں کی جائے اور تفرت کو بھی پھیلانا بند کیا جائے۔

انہوں نے کہا کہ وزیراعظم نے فوج اور عوام میں دوریاں پیدا کرنے کی کوشش کی ہے، عمران خان سمجھتےہیں فوج کی کمزوری سے ملک کمزور ہوتا ہے۔

انہوں نے مزید کہا کہ نگراں وزیراعلیٰ پنجاب اپنے قد سے بڑی باتیں کررہے ہیں، انہیں احساس نہیں وہ آگ سے کھیل رہے ہیں۔