زلزلے کے خوف سے ایک شخص جانبحق ہوگیا ہے۔
ترجمان وزارت صحت کا کہنا ہے کہ زلزلے سے اسلام آباد کے سیکٹر جی-7 میں سیڑیوں سے نیچے اترتے ہوئے ایک شخص کو ہارٹ اٹیک آیا، طبی امداد کیلئے پولی کلینک ہسپتال میں لایا گیا مگر ہارٹ کی وجہ سے جاں بحق ہوگیا۔
واضح رہے کہ اسلام آباد سمیت پنجاب، خیبر پختونخوا اور بلوچستان، پشاور، کوہاٹ، صوابی میں زلزلے کے شدید جھٹکے محسوس کیے گئے ہیں۔
اس کے علاوہ بہاول پور ،لودھراں، ڈی جی خان، میانوالی، خانیوال، ٹوبہ ٹیک سنگھ، پارا چنار، کرک میں بھی زلزلے کے جھٹکے محسوس کیے گئے۔
اسکردو اور چلاس میں بھی زلزلے کے جھٹکے محسوس کیے گئے ہیں۔ خوفزدہ لوگ کلمہ طیبہ کا ورد کرتے ہوئے گھرو ں سے باہر آ گئے۔
زلزلے کی شدت 6.8 ریکارڈ کی گئی ہے۔
زلزلہ پیما مرکز کا کہنا ہے کہ زلزلے کا مرکز افغانستان تاجکستان اور پاکستان کا سرحدی علاقہ تھا۔
صوبائی ڈیزاسٹر منیجمنٹ اٹھارٹی خیبر پختونخوا کے مطابق زلزلے کی گہرائی 180 کلو میٹر زیر زمین تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News