سولر پینل لگانے کے خواہشمند افراد کیلئے بڑی خوشخبری آ گئی ہے۔

تفصیلات کے مطابق حکومت نے پنکھوں پر بھی 2 ہزار روپے فی پنکھا ٹیکس عائد کر دیا اور پرانے بلب کے استعمال پر بھی 20 فیصد ڈیوٹی لگا دی گئی ہے، لنڈے کے کپڑوں پر 10 فیصد ٹیکس ختم، نان فائلرز کو 10 فیصد ٹیکس دینا ہوگا۔

چیئرمین فیڈرل بورڈ آف ریونیوایف بی آرعاصم احمد نے کہا ہے کہ نئے بجٹ میں 200 ارب روپے کے ٹیکس اقدامات شامل ہیں، انکم ٹیکس کی مد میں 170 ارب روپے اضافی حاصل ہوں گے۔

انہوں نے کہا کہ سیلز ٹیکس کی مد میں 22 ارب روپے کے ٹیکس اقدامات شامل ہیں، منی بجٹ شامل کر کے اگلے سال کیلئے ایف بی آر کا ٹیکس ریونیو 900 ارب روپے بن رہا تھا، مزید 200 ارب روپے کے ٹیکس شامل کر کے ہدف 9200 ارب روپے تک پہنچ گیا۔

ایف بی آر چیئرمین کے مطابق حکومت نے پنکھوں پر بھی 2 ہزار روپے فی پنکھا ٹیکس عائد کر دیا، پرانے بلب کے استعمال پر بھی 20 فیصد ڈیوٹی لگا دی گئی۔

عاصم احمد نے کہا کہ بونس شیئر پر10 فیصد ودہولڈنگ ٹیکس عائد کیا گیا ہے، کریڈٹ اور ڈیبٹ کارڈ کے ذریعے فارن پیمنٹ کرنے والے نان فائلرز کو5  کے بجائے 10 فیصد ٹیکس دینا ہوگا ، افراد اور کمپنیوں پر سپر ٹیکس کی شرح میں اضافہ اور پرانے کپڑوں پر 10 فیصد ٹیکس ختم کر دیا گیا۔

چیئرمین ایف بی آر نے بتایا کہ سولر پینل پر 44 ٹیرف لائنز پر ٹیکس میں کمی اور پاکستان میں کام کرنے والے غیر ملکی ورکرز پر 2 لاکھ روپے ٹیکس عائد کیا گیا ہے۔