میٹا کے نئے پلیٹ فارم ‘تھریڈز’ کو ’ٹوئٹر کلر‘ کہا جارہا ہے اور اس ایپ کے لانچ کے چند گھنٹوں کے بعد ہی اسے 10 ملین صارفین نے سائن اپ کیا۔

میٹا کی اس ایپ کے حوالے سماجی رابطے کی ویب سائٹ ٹوئٹر پر ایک نئی خبر گردش کر رہی جس کے مطابق معروف امریکی کارٹون سمپسن میں ’تھریڈز‘ کے حوالے سے پہلے ہی دکھا دیا گیا تھا۔

مستقبل کے متعلق پیشگوئی کرنے والی کارٹون سیریز سمپسن آج سے 34 سال قبل 1989 میں نشر ہونا شروع ہوئی اور چند سال گزرنے کے بعد اس کارٹون کی پرانی اقساط میں دکھائے گئے واقعات سچ ہونے لگے۔

گزشتہ کئی سالوں سے یہ حیران کن معاملہ دیکھنے کو ملتا ہے کہ دنیا بھر میں رونما ہونے والے متعدد واقعات و حادثات سمپسن میں برسوں پہلے ہی دکھائے جا چکے ہیں، جن کا انکشاف واقعہ رونما ہونے کے بعد ہوتا ہے۔

اب حال ہی میں ’سمپسن‘ کے مرکزی کردار ’ہومر‘ کی ایک تصویر سوشل میڈیا پر وائرل ہورہی ہے جس میں اس کے کان پر ہو با ہو ’تھریڈز‘ کا لوگو بنا دکھائی دے رہا ہے اور اس تصویر سے یہ بات اخذ کی جارہی ہے کہ سمپسن کی کسی ایک قسط میں تھریڈز کے حوالے سے بھی دکھایا جاچکا ہے۔

no way the simpsons predicted threads pic.twitter.com/ma1819KLL9

— albert (@albert12798) July 6, 2023

اس خبر نے ایک مرتبہ پھر لوگوں کو حیران کردیا، بعد ازاں یہ بات سامنے آگئی کہ ٹوئٹر پر گردش کرنے والی تصویر میں کوئی صداقت نہیں ہے اور ہومر کے کان پر بنایا گیا ’تھریڈز‘ کا لوگو ایڈٹ کیا ہوا ہے۔

Advertisement

DO NOT FALL FOR THIS MANDELA EFFECT.

THIS is how Homers ear looks. The image that Albert posted is blatantly photoshopped. pic.twitter.com/yiiZyoW17U

— Mike27356894 (@mike27356894) July 6, 2023