فیس بک نے میسنجر کے ڈیزائن میں بنیادی تبدیلیاں کرنے کا اعلان کیا ہے۔

تفصیلات کے مطابق ٹیکنالوجی اور انٹرنیٹ کی تازہ خبر دینے والی مشہور ویب سائٹ نے اس تبدیلی کی خبر دیتے ہوئے کہا ہے کہ فیس بک میسنجر میں ڈسکور ٹیب ختم کیا جارہا ہے۔

 یہ بھی بتایا کہ اس کی جگہ چیٹس اور پیپل کی ٹیب کا اضافہ کرکے اسے مزید سادہ اور سمجھنے میں آسان بنایا جارہا ہے۔

 فیس بک کے افسر جیف ہِگنز نے دو اسکرین عکس بھی شیئر کیے ہیں جن میں تبدیل شدہ میسنجر لے آؤٹ کی ایک جھلک دیکھی جاسکتی ہے۔

فیس بک اب صارفین کو معاوضہ دے گا

یاد رہے کہ  سادہ لے آؤٹ میں تمام تر توجہ آپ کی گفتگو اور چیٹ پر کی گئی ہے۔

فیس بک مسینجر کے سربراہ ڈیوڈ مارکس نے بتایا کہ گزشتہ دو برس سے کئی فیچر کو آزمایا اور ختم کیا گیا ہے انہوں نے مزید بتایاکہ   ان میں سے بعض مارکیٹ کے لحاظ سے موضوع تھے اور بعض بالکل نہیں تھے۔

 اس سے قبل 2018ء کے وسط میں فیس بک نے میسنجر کو مزید آسان اور سادہ بنانے پر زور دیا تھا۔

یہ ہی وجہ ہے کہ اس سال  میسنجرکو مزید سادہ اور قابلِ استعمال بنایا جائے گا اور  یہ میسنجر میں کی جانے والی سب سے بڑی تبدیلی ہوگی۔

فیس بک یہ فیچر اگلے ہفتے ریلیز کررہا ہے جبکہ پورے سال میسنجر میں مزید تبدیلیاں بھی کی جائیں گی فلحال اس میں اسٹوریز بھی شامل ہوتی رہیں گی اور یوں گزشتہ 24 گھنٹے کی اسٹوریز بھی سامنے آتی رہیں گی۔

واضح رہے کہ  فیس بک چاہتا ہے کہ وہ کسی طرح چینی مارکیٹ میں لوگوں کو مسینجر کی جانب راغب کرئے جہاں اب تک وی چیٹ سب سے بڑا پلیٹ فارم ہے۔