بغاوت پر اکسانے کے کیس میں شہباز گل اشتہاری قرار

ویب ڈیسک

26th Jul, 2023. 01:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بغاوت پر اکسانے کے کیس میں شہباز گل اشتہاری قرار

اسلام آباد: افواج پاکستان کے خلاف بغاوت پر اکسانے کے کیس میں پاکستان تحریک انصاف کے رہنما شہباز گل کو اشتہاری قرار دے دیا گیا۔

تفصیلات کے مطابق ڈسٹرکٹ اینڈ سیشن کورٹ اسلام آباد کے جج طاہر عباس سپرا نے شہباز گل کے خلاف افواج پاکستان کے خلاف بغاوت پر اُکسانے کے کیس کی سماعت کی۔

عدالت نے مسلسل عدم حاضری پر شہباز گل کو اشتہاری قرار دے دیا اور کہا کہ شہباز گل اسلام آباد ہائی کورٹ کی جانب سے دی گئی مقررہ مدت میں عدالت کے روبرو پیش نہیں ہوئے۔

دوران سماعت جج طاہر عباس سپرا نے شہباز گل کی جانب سے دائر دونوں درخواستیں مسترد کردیں اور کہا کہ اشتہاری ہونے کے بعد عدالت میں پیش ہوئے بغیر اشتہار منسوخ نہیں ہوسکتا۔

شہباز گل کے وکلاء کی جانب سے کیس کی کارروائی روکنے کی استدعا کی گئی۔

ایڈیشنل سیشن جج طاہر عباس سپرا نے کیس کی کارروائی 31 جولائی تک ملتوی کرتے ہوئے شہباز گل کو ذاتی حیثیت میں طلب کرلیا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں اور بیل آئیکن پر کلک کریں