محنت میں عظمت ہے اور جو محنت کرتا ہے اسے اس کا پھل ضرور ملتا ہے، ایسا ہی پھل سعودی عرب میں ملازمت کی غرض سے مقیم پاکستانی بزرگ کو اس کے مالک نے 42 سال تک ایمانداری سے ملازمت پر بیش قیمتی تحفے سے نواز دیا۔

سوشل میڈیا پر ایک ویڈیو کلپ وائرل ہے جس میں بتایا گیا کہ 42 برس تک ایک کمپنی میں خدمت کرنے والے پاکستانی بزرگ کو کمپنی کے مالک نے دو لاکھ ریال مالیت گولڈ کا تحفہ دیا ہے۔

عرب میڈیا کے مطابق تحفے میں دیے جانے والے سونے کے بسکٹ کی قیمت دو لاکھ ریال کے لگ بھگ ہے جبکہ باکس پر تحریر 42 کا ہندسہ اس طرف اشارہ کررہا ہے کہ مذکورہ شخص کو ملازمت کرتے ہوئے 42 سال گزر چکے ہیں۔

الفنار کمپنی کے چیئرمین عبدالسلام المطلق کی ویڈیو سوشل میڈیا پر وائرل ہے جس میں دیکھا جاسکتا ہے کہ وہ اپنے پاکستانی کارکن کو مسلسل 42 بر س تک بہترین خدمات فراہم کرنے پر سونے کا تحفہ پیش کر رہے ہیں۔

ویڈیو کے مطابق تحفے میں دیے جانے والے سونے کے بسکٹ کی قیمت دو لاکھ ریال کے لگ بھگ ہے۔ تحفے کے بکس پر (42) تحریر ہے۔

المهندس عبد السلام المطلق رئيس مجلس ادارة شركة الفنار
@alfanar_company

يهدي أحد الموظفين بالشركة (باكستاني الجنسية) سبيكة ذهب بقيمة ,200,000 ألف ريال بعد 42 سنة خدمة في الشركة.
…
صوره من صور الوفاء pic.twitter.com/Vr3mdRNL0q

— السعودية اليوم (@alsaudi_today) March 3, 2020

 اس سے اس بات کی طرف اشارہ ہے کہ پاکستانی کارکن نے کمپنی کی 42 برس تک خدمت کی ہے۔

ویڈیو میں وہ منظر دیکھنے سے تعلق رکھتا ہے جب پاکستانی کارکن نے تحفے کو کھولنا شروع کیا۔ تحفہ پیکٹ در پیکٹ رکھا ہوا تھا اور خوبصورتی سے  پیک کیا گیا تھا۔

بزرگ پاکستانی نے اپنا تحفہ دیکھا اور اسے پیکٹ سے نکالا تو کمپنی کے مالک عبدالسلام المطلق ان کے برابر میں آ کر کھڑے ہوگئے اور پاکستانی کارکن سے کہا ’گولڈ کا یہ تحفہ گولڈ مین کے لیے ہے‘۔