کراچی: اینٹی کرپشن سندھ میں انکوائریاں سست روی کا شکار ہیں، تاہم 300 سے زائد انکوائریاں تاحال مکمل نہ ہوسکیں جو 8 ماہ سے جاری ہیں۔

تفصیلات کے مطابق میگا کرپشن، کروڑوں کی خردبرد، غیر قانونی ترقیاں اور جعلی بھرتیوں کی تحقیقات التواء کا شکار ہے جبکہ سرکاری ادویات کی غیر قانونی فروخت، غیر قانونی تعمیرات اور زمینوں پر قبضوں کی انکوائریاں بھی نا مکمل ہیں۔

اس کے علاوہ ریکارڈ میں ٹمپرنگ، تفریحی پارک کی تعمیرات میں گھپلوں کے تحقیقات بھی تاحال مکمل نہ ہوسکی اور  نوشہرو فیروز ایم 6 سکھر حیدرآباد موٹر وے میں 3.5 ارب کی روپے کی کرپشن کی تحقیقات بھی مکمل نہ ہوسکی جبکہ 23 ڈسٹرکٹ کونسل میں 6.7 ارب روپے کی خرد برد کی انکوائری مکمل ہونے کا انتظار ہے۔

ٹاؤن کمیٹی ضلع مٹیاری میں غیر قانونی بھرتیوں میں اربوں روپے کی کرپشن کی تحقیقات بھی جاری ہے اور شہید بے نظیر آباد میں ڈائریکٹر پرائمری اسکول میں اربوں روپے کی کرپشن کی تحقیقاتی رپورٹ کا انتظار ہے۔

سوشل ویلفیئر ڈیپارٹمنٹ کے سابق سیکریٹری کے خلاف  اربوں روپے کی کرپشن کا کیس بھی التوا کا شکار ہے جبکہ محکمہ خوراک دادو میں کروڑوں کی کرپشن کی انکوائری بھی تاخیر کا شکار ہے۔

محکمہ صحت، محکمہ آبپاشی، محکمہ زراعت، محکمہ خوراک میں کرپشن خرد برد کی تحقیقات سرد خانے کی نظر ہے اور بلدیہ عظمیٰ کراچی، سندھ بلڈنگ کنٹرول اتھارٹی، کراچی ورکس اینڈ سروسز ڈیپارٹمنٹ، تجاوزات کی انکوائری بھی تاحال مکمل ہوسکی۔

علاوہ ازیں بلدیہ عظمیٰ کراچی کے اسپتال غیر قانونی بھرتیوں اور ترقیوں پر انکوائری رپورٹ کا انتظار ہے جبکہ محکمہ زراعت میرپور خاص ڈویژن کے افسران کے خلاف میگا کرپشن کی تحقیقات بھی مکمل نہ ہوسکی۔

اینٹی کرپشن میں سفارش پر بھرتیوں کا کیس بھی آگے نہ بڑھ سکا اور ٹھٹھہ میں تقریحی پارک اینڈ کلچر کمپلیکس کی تعمیر میں گھپلوں کی تحقیقات بھی تاحال مکمل نہ ہوسکی۔

بورڈ آف سیکنڈری ایجوکیشن لاڑکانہ میں غیر قانونی بھرتیوں کی انکوائری بھی تاخیر کا شکار ہے جبکہ سرکاری ادویات اور میٹریل کی نجی اسٹورز پر فروخت کا کیس بھی سرد خانے کی نظر ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں