بالی وڈ کی صف اول کی اداکارہ دیپیکا پڈوکون کا کہنا ہے کہ انہوں نے جوان میں اسپیشل اپیئرنس کے لیے کوئی فیس نہیں لی۔

جوان کی کامیابی  پر دیپیکا پڈوکون نے شاہ رخ خان کے ساتھ اپنے تعلقات کے بارے میں بات کرتے ہوئے انہیں ‘ایک دوسرے کے لکی چارمز’ قرار دیا۔

دیپیکا پڈوکون، جو آخری بار شاہ رخ خان کی فلم جوان میں مختصر کردار میں نظر آئی تھیں، نے سپر اسٹار سے  اپنے تعلقات کے بارے میں کھل کر بات کی ہے۔

اپنے ایک حالیہ انٹرویو میں دیپیکا نے کہا کہ شاہ رخ خان کے ساتھ ان کا رشتہ کام سے بالاتر ہے، وہ ایک دوسرے کے لئے لکی چارمز ہیں، ان کے درمیان ‘اعتماد اور احترام’ کا رشتہ ہے۔

اس سال کے شروع میں، دیپیکا کو شاہ رخ خان کے ساتھ پٹھان میں بھی دیکھا گیا تھا، اور اب انہیں جوان میں بھی اپنے کیمیو کے لیے سراہا جا رہا ہے۔

 دیپیکا نے بالی ووڈ میں اپنے کریئر کا آغاز 2007 میں شاہ رخ کے ساتھ فلم اوم شانتی اوم سے کیا تھا، وہ ہیپی نیو ایئر اور چنئی ایکسپریس میں بھی ساتھ کام کر چکے ہیں۔ ان کی تمام فلموں نے ایک ساتھ باکس آفس پر اچھا بزنس کیا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں