نگران وزیر داخلہ سرفراز بگٹی نے کہا ہے کہ شواہد کے مطابق مستونگ دھماکے میں “را” ملوث ہے۔

نگران وفاقی وزیر سرفراز بگٹی نے اسلام آباد میں میڈیا سے گفتگو کرتے ہوئے کہا کہ یقینی بنائیں گے کہ ملک میں ایک بھی دہشت گرد باقی نہ رہے، اس ملک میں آئین پر عمل ہوگا۔

انہوں نے کہا کہ اسمگلنگ اونٹوں پر نہیں ٹرکوں پر ہو رہی تھی، افغان ٹرانزٹ کے نام پر اسمگلنگ کے خلاف اقدامات کیے ۔

نگران وزیر داخلہ نے کہا کہ ہماری معاشی صورتحال دن بدن خراب ہوتی جارہی ہے، اب تک 2 ہزار 200 میٹرک ٹن گندم برآمد کی جا چکی ہے اور 8 ہزارمیٹرک ٹن شوگر بھی برآمد کی جاچکی ہے جبکہ اب تک 43 میٹرک ٹن منشیات بھی پکڑی جا چکی ہے، حکومتی ادارے جوائنٹ چیک پوسٹ پر موجود ہوتے ہیں۔

انکا کہنا ہے کہ ڈالر کی اصل قیمت کے قریب پہنچ گئے ہیں، کچھ اقدامات سے ہی ڈالر کی قیمت نیچے آ گئی، ڈالر اسمگلنگ کے خلاف 168مقدمات درج کیے گئے، تمام بارڈرز کو کمپیوٹرائزڈ کر دیا ہے۔

سرفراز بگٹی نے کہا کہ غیرقانونی پیٹرول پمپس بند کردیے جائیں گے، ٹیم روزانہ کی بنیاد پر پیٹرول پمپس پر چھاپے مار رہی ہے، 10 ہزار 195 لیٹر پیٹرولیم مصنوعات پکڑی جا چکی ہیں۔

نگران وزیر داخلہ نے مزید کہا کہ اسمگلنگ میں ملوث لوگوں سے سختی سے نمٹا جائے گا، چینی کی اسمگلنگ کو جدید ٹیکنالوجی سے کنٹرول کیا، گزشتہ ایک ماہ میں اسمگلنگ کے خلاف بھرپور کارروائیاں کیں، اسمگلنگ کی وجہ سے ملکی معیشت کو نقصان پہنچ رہا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں