وزیراعلیٰ سندھ مراد علی شاہ کی قیادت میں کراچی میں معقد ہونے والے پی ایس ایل 5 کے میچز کے لئے ایڈوائزری جاری کردی گئی ہے۔

تفصیلات کے مطابق وزیراعلیٰ سندھ سید مراد علی شاہ کی زیر صدارت کورونا وائرس پر 14واں اجلاس ہوا۔

اجلاس میں وزیراعلیٰ مراد علی شاہ کو بریفنگ دیتے ہوئے بتایا گیا ہے کہ سندھ میں کل 13 مریض زیر علاج ہیں جس میں 8 شام سے، 3 ایران سے اور 3 دبئی سے آئے ہیں اور آج 17 نمونے ٹیسٹ کیے گئے ہیں جن میں سب کے سب منفی آئے ہیں۔

بتایا گیا ہے کہ 5  نئے نمونے ابھی ٹیسٹ کیلئے بھیجے ہیں جن کا نتیجہ کل آئے گا جبکہ آج ایک مریض جو جے پی ایم سی کے پاس ملا تھا اسکی ایران کی ٹریول ہسٹری ہے اس کا نمونہ لے کر ٹیسٹ کے ئے بھیجا گیا ہے۔

بریفنگ میں بتایا گیا ہے کہ سندھ میں اب تک کل 187 ٹیسٹ کئے ئے ہیں جن میں 173 منفی ہیں اور 14 مثبت ہیں۔

کھلاڑیوں پر سیلفی بنانے، ہاتھ ملانے اور آٹوگراف دینے پر پابندی عائد

اجلاس میں بتایا کہ ایئرپورٹ پر 50 صحت ورکرز تین شفٹوں میں کام کررہے ہیں جبکہ ایئرپورٹ پر 25 کیبوکلز قرنطینہ کے لئے بنائے گئے ہیں۔

اجلاس میں بتایا گیا کہ کراچی ایئرپورٹ پر 25 کیبوکلز قرنطینہ کے لیے بنائے گئے ہیں، سندھ میں کل 142 لوگ گھروں میں آئسولیشن میں ہیں، سندھ میں 34 مریض کل آئسولیشن سے ڈسچارج ہوجائیں گے۔

وزیراعلیٰ کو بریفنگ دی گئی کہ پی ایس ایل میچز کے لیے ماہرین سے ایڈوائزری بنائی ہے، ایڈوائزری پی سی بی کے ساتھ بھی شیئر کی گئی ہے۔

کمشنر کراچی افتخار شلوانی کا کہنا ہے کہ پاکستان کرکٹ بورڈ (پی سی بی) نے ہیلتھ ایڈوائزری پر عمل کرنے کا یقین دلایا ہے۔

یاد رہے کہ وزیراعلیٰ سندھ کی ہدایت پر وزیر صحت کی سربراہی میں سندھ حکومت کے وفد نے ایئرپورٹ کا دورہ بھی کیا تھا۔

ایئرپورٹ کے دورے میں وزیراعلیٰ سندھ کو بتایا گیا کہ ایئرپورٹ پر کچھ انتظامات بہتر کروائے ہیں۔

اجلاس میں صوبائی وزراء، چیف سیکریٹری، وزیراعلیٰ سندھ کے پرنسپل سیکریٹری، کمشنر کراچی، کور5، رینجرز، ایف آئی اے، ایئرپورٹ، سول اسپتال، ڈبلیو ایچ او، آغا خان اور انڈس اسپتال کے نمائندے شریک ہوئے۔