اسلام آباد: افغانستان میں کالعدم تحریک طالبان پاکستان (ٹی ٹی پی) کے دہشت گردوں کا سرغنہ ہلاک ہو گیا ہے۔

تفصیلات کے مطابق افغانستان کے علاقے کنڑ میں نامعلوم حملہ آوروں کے حملے میں ٹی ٹی پی لکی مروت کا سرغنہ عتیق الرحمان عرف “ٹیپو گل مروت” مارا گیا۔

ہلاک دہشت گرد پاکستان میں دہشت گردی کی متعدد کارروائیوں میں ملوث تھا۔ افغانستان میں ٹی ٹی پی کے دہشت گرد سرغنہ کی ہلاکت ٹی ٹی پی کی افغانستان میں موجودگی کا واضح ثبوت ہے۔

 افغانستان میں ٹی ٹی پی کی آپس میں اندرونی خلفشار اور انتشار سے آئے دن ٹی ٹی پی کے سرغنہ پر اسرار طور پر مارے جا رہے ہیں۔ کیا واضح ثبوتوں کے باوجود افغان حکومت اب بھی ٹی ٹی پی کے دہشتگردوں کیخلاف کوئی کارروائی نہیں کرے گی۔

واضح رہے کہ حال ہی میں ایپکس کمیٹی کے اجلاس میں غیر قانونی طور پر مقیم غیر ملکیوں کو 31 اکتوبر کی ڈیڈ لائن دی گئی ہے، غیرقانونی طور پر رہائش پذیر افغان کی وطن واپسی کا سلسلہ جاری ہے۔

باحفاظت وطن واپسی کے لئے پاک فوج کے سیکیورٹی افسران، حکومتی انتظامیہ، ٹریفک پولیس اور ایف سی کے اہلکار سر گرم ہیں۔

پاک فوج اور پولیس اہلکار افغان شہریوں کو باحفاظت  پہنچانے کے لئے ڈیوٹیاں سر انجام دے رہے ہیں۔

گرفتار ٹی ٹی پی دہشتگردوں کا اقبال جرم

پاکستان میں دو دہائیوں پر محیط جاری دہشتگردی میں افغان دہشتگردوں کا کردار روز روشن کی طرح عیاں ہے، ناقابل تردید شواہد کی طویل فہرست مختلف مواقع پر افغان حکام کو پاکستانی حکام کی جانب سے پیش کی گئی ہے۔

گرفتار کیے جانے والے ٹی ٹی پی دہشت گرد سیف اللہ کا کہنا تھا کہ میرا تعلق افغانستان کے صوبہ خوست سے ہے، 10 مارچ کو ہم 11 آدمی جس میں 6 افغانی اور 5 پاکستانی شامل ہیں افغان سرحد پار کرکے پاکستان میں داخل ہوئے، تین دہشتگرد جن میں نوید، یاسر اور وقار شامل تھے،ان کے پاس خودکش جیکٹ تھی جس میں دو دو گرنیڈ تھے۔

دہشتگرد سیف اللہ نے بتایا کہ ہمارا کمانڈر چمتو تھا جو سیکیورٹی فورسز کیخلاف بارودی سرنگ نصب کر رہا تھا جس میں دھماکا ہو گیا، وہ بچ گیا یامر گیا مجھے کچھ پتہ نہیں۔ اس کے بعد ہم پرپاک فوج نے چھاپہ مارا جس سے ہم ایک دوسرے سے بچھڑ گئے، پانچ دن کے بعد آرمی نے مجھے ڈھونڈ کر گرفتار کرلیا۔

دوسرے دہشتگرد شاہ محمود نے اعتراف کیا کہ میں افغان صوبے قندہارکا رہنا والا ہوں، مولوی محمود اللہ کے کہنے پر ٹی ٹی پی گروپ میں شامل ہوا، میرا کمانڈر مفتی نور ولی ہے، میں انس کے ساتھ تشکیل کیلئے وزیرستان آیا، ہم نو لوگ تھے جو تشکیل کیلئے آئے، ان میں سے پانچ افغانی طالبان تھے۔

دہشتگرد شاہ محمود نے کہا تھا کہ ہم افغان صوبے خوست کے راستے پاکستان کے علاقے وزیرستان آئے اور یہاں ہم عمر اور خالد کے ساتھ ملے، ہم نے کرک گیس پلانٹ پر حملہ کیا جس میں چار بندے شہید ہوئے، ہم یہاں سے کلاشنکوف، چار فون اور دو عدد یونیفارم لیکر چلے گئے اور میں افغانستان واپس چلا گیا، جب میں افغانستان میں تھا تو مجھے میسج آیا کہ میں کوئٹہ آجاؤں، میں چمن بارڈر عبور کرتے ہوئے گرفتار ہو گیا۔

تیسرے دہشتگرد گل احمد کا کہنا تھا کہ میرا نام گل احمد اور میرے والد کا نام محمد یوسف ہے، میں افغان صوبے قندہار کا رہائشی ہوں، رمضان سے پہلے ٹی ٹی پی کے دہشتگرد انس سے ملاقات ہوئی اور ہم پاکستانی علاقے شیوا میں تشکیل کیلئے چلے گئے۔

دہشتگرد نے بتایا تھا کہ کرک کے نزدیک دہشتگردی کی غرض سے ہم دو گروپوں میں تقسیم ہو گئے، رات 12 بجے ہم نے گیس کمپنی پر حملہ کیا اور سیکیورٹی پر مامور اہلکاروں کو شہید کردیا، جس کے بعد صبح 4 بجے یہاں سے واپس افغانستان فرار ہونے کی غرض سے گئے مگر بارڈر پر گرفتار ہو گئے۔

گرفتار دہشتگردوں کے یہ اعترافی بیان اس بات کا واضح ثبوت ہے کہ افغان طالبان کے کابل پر قبضے کے بعد پاکستان میں دہشتگردی کی کارروائیاں بڑھ گئی ہیں، اب یہ فیصلہ افغان طالبان نے کرنا ہے کہ انہوں نے دہشتگردی کو پروان چڑھانا ہے یا اسے ختم کرنے کیلئے کوئی جامع حکمت عملی تشکیل دینی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فالو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں