قومی ٹیم کے اوپننگ بلے باز عبداللہ شفیق سال 2023 کے اختتام پر پاکستان کے لیے انوکھا ریکارڈ بنانے میں کامیاب ہوگئے۔ 

بھارت میں ہونے والے آئی سی سی ورلڈکپ کے دوران عبداللہ شفیق نے افغانستان کے خلاف کھیلتے ہوئے فاسٹ بولر نوین الحق کو پانچویں اوور میں شاندار چھکا رسید کیا اور انہوں نے اگلے ہی اوور میں اسپنر مجیب الرحمان کو بھی چھکا لگایا۔

عبداللہ شفیق نے یہ چھکے ون ڈے انٹرنیشنل کے ابتدائی اوورز یعنی پاور پلے میں مارے۔ اور ایسا پہلی بار ہوا ہے کہ رواں سال میں کوئی بھی پاکستانی کھلاڑی ابتدائی اوورز میں چھکے لگانے میں کامیاب ہوا ہے۔

حیران کن طور پر پاکستان نے سال 2023 میں اب تک 20 ایک روزہ میچز کھیلے ہیں اور کوئی بھی اوپننگ بلے باز 10 اوورز کے ابتدائی پاور پلے میں چھکا مارنے میں کامیاب نہیں ہوا۔ عبداللہ شفیق رواں سال کے 21ویں ون ڈے انٹرنیشنل کے پاور پلے میں چھکا لگانے میں کامیاب ہوئے۔

واضح رہے کہ ورلڈکپ 2023 میں پاکستان اب تک 4 میچز کھیل چکا ہے جس میں وہ دو میچز میں کامیابی حاصل کرنے کے بعد پوائںٹس ٹیبل پر پانچویں پوزیشن پر موجود ہے جب کہ آج بھارت کے شہر چنئی میں افغانستان سے مدمقابل ہے، جہاں قومی ٹیم میں صرف ایک تبدیلی کی گئی ہے۔