صدرمملکت ڈاکٹرعارف علوی نے عوام کو کرونا وائرس کے باعث نماز جمعہ کے اجتماعات کیلئےمساجد جانےسے متعلق احتیاطی تدابیراختیار کرنے کی ہدایت کی ہے۔

تفصیلات کے مطابق سماجی رابطے کی ویب سائٹ ٹوئٹرپرجاری اپنے پیغام میں صدر مملکت ڈاکٹرعارف علوی نے حضور اکرم صلی اللہ علیہ وسلم کی ایک حدیث کا حوالہ دیتے ہوئے کہا کہ نبی پاک صلی اللہ علیہ وسلم نے فرمایا کہ بیمار اور تندرست لوگوں کو قریبی میل جول سے اجتناب کرنا چاہیئے۔

صدر مملکت نے کرونا وائرس کے باعث نماز جمعہ سے متعلق کہا کہ نماز جمعہ کے لئے حکومتی ہدایات پر عمل کریں لیکن فی الوقت ان باتوں کا خیال رکھیں۔ اگر آپ بزرگ، کم عمر یا دمے کے مریض ہیں،یا پھر کھانسی، بخار یا زکام میں مبتلا ہے تو گھر پر نماز پڑھیں،اگر آپ مسجد جا رہے ہیں تو وضو گھر پر کریں اور بیس سیکنڈ تک صابن سے ہاتھ دھوئیں،جائے نماز یا کوئی کپڑا ساتھ لے کر جائیں اور سجدے کے دوران سانس روک لیں، ہاتھ ملانے،بغل گیر ہونے اور قریبی میل جول سے گریز کریں اور کھانسی اور چھینک کے دوران ٹشو کا استعمال کریں۔

نبی پاکﷺ نے فرمایا کہ بیمار اور تندرست لوگوں کو قریبی میل جول سے اجتناب کرنا چاہیئے۔

Advertisement

نماز جمعہ کے لئے حکومتی ہدایات پر عمل کریں لیکن فلوقت ان باتوں کا خیال رکھیں۔

گھر پر نماز پڑھیں اگر آپکو:

1- کھانسی، بخار یا زکام ہے۔

2- آپ بزرگ، کم عمر یا دمے کے مریض ہیں۔

— Dr. Arif Alvi (@ArifAlvi) March 13, 2020

صدرمملکت کا مزید کہنا تھا کہ مسجد سے فرض نماز کے بعد جلد روانہ ہوجائیں،سنت اور نوافل نماز گھر پر ادا کریں۔ یہ یاد رکھیں کہ کیونکہ آپ اپنا اور دوسروں کا خیال کر رہے ہیں، اس میں بھی انشاللہ ثواب ملے گا اور اللہ تعالیٰ معاف فرمائے گا، میری دعا ہے کہ اللہ ہماری مشکلیں آسان کرے. آمین

پاکستان میں کرونا وائرس کا ایک اور مریض سامنے آنے کے بعد مجموعی تعداد 22 ہو گئی ہے۔

سندھ میں کرونا وائرس کا ایک اور مریض میں تشخیص ہوئی ہے جس کے بعد صوبہ سندھ میں کرونا وائرس سے متاثرہ افراد کی تعداد 16 ہوگئی ہے۔ محکمہ صحت سندھ کا کہنا ہے کہ 52 سال کے شخص میں کرونا وائرس کی تصدیق ہوئی ہے اور متاثرہ شخص 2 روز قبل اسلام آباد سے کراچی پہنچا تھا۔ کرونا وائرس کے 13 مریض آئسولیشن وارڈز میں زیرعلاج ہیں جب کہ 2 مریض صحتیاب ہوکر ڈسچارج کیے جاچکے ہیں۔

خیال رہے کہ اب تک ملک میں کرونا وائرس کے 22 کیسز سامنے آچکے ہیں جن میں سے کراچی میں 16، اسلام آباد میں 2 جب کہ گلگت بلتستان 3 اور بلوچستان سے ایک  کیس کی تصدیق ہوچکی ہے۔ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں۔a