اسلام آباد: ایشیائی ترقیاتی بینک (اے ڈی بی) نے پاکستان کے لئے 25 کروڑ ڈالر قرض کی منظوری دے دی۔

ایشیائی ترقیاتی بینک کی جانب سے جاری اعلامیے کے مطابق پاکستان کے لئے قرض کی منظوری بورڈ آف ڈائریکٹرز کی جانب سے دی گئی۔ 

اعلامیے کے مطابق قرض کی رقم پنجاب اور خیبرپختونخوا میں بجلی کے ترسیلی نظام میں بہتری پر خرچ ہوگی۔

ایشیائی ترقیاتی بینک کا کہنا تھا کہ قرض اے ڈی بی کے پاور ٹرانسمیشن مضبوطی پروگرام کے تحت ہے، پروگرام کے ذریعے ترسیلی استعداد کو بہتر اور نیشنل گرڈ میں استحکام آئے گا۔

اعلامیے میں مزید بتایا گیا کہ ہائی وولٹیج 250 اور 500 کے وی ترسیلی لائنز لاہور شہر میں بچھائی جائیں گی۔

اس سے قبل ایشیائی ترقیاتی بینک نے ایشیائی ترقیاتی آؤٹ لک رپورٹ جاری کی تھی جس میں بتایا گیا تھا کہ رواں مالی سال پاکستان کی شرح نمو 1.9 فیصد رہنے کا امکان ہے جبکہ رواں مالی سال پاکستان کی شرح نمو 0.3 فیصد رہنے کا امکان ظاہر کیا گیا ہے اور مہنگائی کی شرح بھی 29.2 فیصد سے کم ہوکر 25 فیصد تک آنے کا امکان ہے۔

رپورٹ کے مطابق عالمی قیمتوں کے جھٹکے اور سست عالمی معاشی نمو کے خطرات موجود ہیں، پاکستانی معیشت کو سیلاب، عالمی سطح پر قیمتوں میں اضافے اور سیاسی عدم استحکام نے نقصان پہنچایا ہے۔

رپورٹ میں مزید بتایا گیا تھا کہ اقتصادی ایڈجسٹمنٹ پروگرام کے نفاذ اور عام انتخابات سے اعتماد میں اضافہ متوقع ہے، درآمدی کنٹرول میں نرمی سے سرمایہ کاری میں مدد کا امکان ہے جبکہ ذرعی شعبے میں حکومتی اصلاحات اور سبسڈی سے ذرعی شعبے میں نمو کا امکان ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.facebook.com/BOLUrduNews/ کو لائک کریں

ٹوئٹر پر ہمیں فولو کریں https://twitter.com/bolnewsurdu01 اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں