چیف جسٹس پاکستان کو دی گئی شاہانہ گاڑیاں نیلام کرنے کا فیصلہ

طیب بلوچ

01st Dec, 2023. 11:01 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چیف جسٹس پاکستان کو دی گئی شاہانہ گاڑیاں نیلام کرنے کا فیصلہ

اسلام آباد: چیف جسٹس آف پاکستان قاضی فائز عیسیٰ نے اہم فیصلہ کرتے ہوئے حکومت کی جانب سے دی گئی شاہانہ گاڑیاں نیلام کرنے کا فیصلہ کیا ہے۔

تفصیلات کے مطابق چیف جسٹس پاکستان قاضی فائز عیسیٰ کی جانب سے گاڑیوں کی نیلامی کیلئے سیکرٹری کابینہ اور چیف سیکرٹری پنجاب کو خط ارسال کردیا گیا ہے۔

خط کے متن میں کہا گیا ہے کہ حکومت کی جانب سے دی گئی شاہانہ گاڑیاں نیلام کی جائیں گی، 2020 میں خریدی گئی 61 ملین کی مرسڈیز بینز نیلام کی جائے گی۔

اس کے علاوہ پنجاب حکومت کی جانب سے فراہم کی گئی بلٹ پروف لینڈ کروزر بھی نیلام کی جائے گی۔

خط میں بتایا گیا کہ رولز کے مطابق چیف جسٹس اور دیگر پہلے ہی دو دو گاڑیاں استعمال کر رہے ہیں، آئینی عہدوں کیلئے لگژری گاڑیاں درآمد کرنا مناسب نہیں۔

خط کے متن میں مزید بتایا گیا ہے کہ چیف جسٹس قاضی فائز عیسیٰ نے دونوں گاڑیاں استعمال نہیں کیں، تاہم گاڑیوں کی نیلامی سے حاصل رقم پبلک ٹرانسپورٹ پر خرچ کی جائے۔