بابر اعظم، سرفراز احمد، شاہین آفریدی اور شان مسعود کے مداحوں میں نئی بحث چھڑگئی ہے۔

پاکستان کرکٹ ٹیم ان دنوں دورہ آسٹریلیا کے لیے کینبرا پہنچ گئی ہے، جہاں قومی ٹیم تین ٹیسٹ میچز کی سیریز کھیلے گی۔

پاکستان کرکٹ بورڈ کی جانب سے سماجی رابطے کی سائٹ ایکس پر دورہ آسٹریلیا میں شامل قومی اسکواڈ کی تصویر شیئر کی گئی جس میں سابق کپتان بابر اعظم اور سرفراز احمد جب کہ ٹی ٹوئنٹی کے کپتان شاہین آفریدی اور ٹیسٹ کپتان شان مسعود ایک ساتھ بیٹھے ہوئے نظر آئے۔

https://twitter.com/TheRealPCB/status/1730017164705632372

چاروں کھلاڑیوں کی ایک ساتھ تصویر کو لے کر صارفین نے نئی بحث چھیڑ دی کہ ’’کون زیادہ بہتر کپتان ہے‘‘۔

نواز نامی ایکس اکاؤنٹ نے صارفین سے سوال کیا کہ ’’آپ کا پسندیدہ کپتان کون ہے اور وہ آپ کا پسندیدہ کیوں ہے؟‘‘۔

https://twitter.com/Rnawaz31888/status/1730076245361414637

جواب میں کئی صارفین نے سرفراز احمد کو بہتر کپتان قرار دیا تو کئی صارفین بابر اعظم کے مداح نکلے جب کہ سید شکیل ہاشمی نامی صارف نے لکھا ’’بحیثیت کپتان میں سرفراز کہوں گا لیکن بطور کھلاڑی بابر اعظم کہوں گا‘‘۔

فاطمہ سلمان لکھتی ہیں ’’بابر ہمیشہ میرے کپتان رہیں گے‘‘، لینا نے لکھا ’’بابر اعظم ہمارے دلوں کے کپتان ہیں‘‘۔

شیخ بلال کا کہنا تھا ’’بھائی پانچواں رضوان کو بھی ایڈ کر لیں وہ بھی کچھ دنوں بعد کپتان بن جائیں گے‘‘۔

یاد رہے کہ سرفراز احمد کو ورلڈکپ 2019 کے بعد کپتانی چھوڑنی پڑی تھی جس کے بعد بابر اعظم کو تینوں فارمیٹ کا کپتان نامزد کیا گیا تھا۔

آئی سی سی مینز کرکٹ ورلڈکپ 2023 میں قومی ٹیم کی بدترین کارکردگی کے بعد بابر اعظم نے بھی کپتانی سے مستعفیٰ ہونے کا فیصلہ کیا جس کے بعد پی سی بی نے ٹیسٹ ٹیم کا کپتان شان مسعود اور ٹی ٹوئنٹی کا کپتان شاہین آفریدی کو بنانے کا فیصلہ کیا۔