فلپائن میں کوروناوائرس کےخدشےکےپیش ِنظراسٹاک مارکیٹ بند کردی گئی ہے۔

تفصیلات کے مطابق فلپائن میں اسٹاک مارکیٹ غیرمعینہ مدت کےلیےبند کردی گئی ہے،جس کےبعد وہ دنیا کا پہلا ملک بن گیا ہےجہاں کورونا کے باعث اسٹاک مارکیٹ بند کی گئی ہے۔

فلپائن نےاسٹاکس، کرنسی اوربانڈز کی ٹریڈنگ روک دی ہے۔ جبکہ کیپیٹل ریجن میں ایک ماہ کا لاک ڈاؤن نافذ کردیاہے۔

واضح رہے کہ رواں ماہ فلپائن اسٹاک مارکیٹ میں 20 فی صد کی کمی ریکارڈ کی گئی ہے۔

دوسری جانب آج ایشیائی حصص بازاروں میں معمولی میں تیزی دیکھی گئی، جاپانی اسٹاک مارکیٹ میں 82 پوائنٹس کا اضافہ ہوا، ہانگ کانگ انڈیکس میں 222 پوائنٹس کا اضافہ ہوا، تمام چینی اسٹاک مارکیٹ میں بھی معمولی تیزی آئی، جبکہ امریکی اور یورپی اسٹاک مارکیٹس کا اختتام شدید مندی پرہوا۔

دنیابھرکومتاثرکرنےوالےمہلک کوروناوائرس نےعالمی معیشت کوبڑادھچکادیاہے۔ دنیابھرکی عالمی منڈیوں میں  مندی کارجحان ہے  کئی ممالک کی اسٹاک مارکیٹس کریش کرچکی ہیں ۔

واضح رہے کہ  کورونا وائرس دنیا کے 162 ملکوں تک پھیل گیا جس سے 7 ہزار 100 سے زائد افراد ہلاک اور 1 لاکھ 82 ہزار سے زائد افراد متاثر ہو چکے ہیں جبکہ دنیا بھر میں کورونا وائرس سے صحت یاب ہونے والوں کی تعداد 79 ہزار سے زائد ہو گئی۔