لاپتہ افراد کی بازیابی سے متعلق کیس میں پیش رفت رپورٹ طلب

عبدالحسیب خان

29th Jan, 2024. 10:13 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاپتہ افراد کی بازیابی سے متعلق کیس میں پیش رفت رپورٹ طلب

لاپتہ افراد کی بازیابی سے متعلق کیس میں پیش رفت رپورٹ طلب کرتے ہوئے عدالت نے سماعت ملتوی کردی۔

سندھ ہائی کورٹ میں دو سالہ بچے سمیت 5 لاپتہ افراد کی بازیابی سے متعلق درخواستوں کی سماعت ہوئی۔ سماعت کے دوران عدالت نے لاپتہ افراد کی بازیابی سے متعلق پیش رفت رپورٹ طلب کرلی۔

عدالت نے جےآئی ٹیز اور پی ٹی ایف اجلاس منعقد کرنے کی ہدایت کرتے ہوئے رپورٹ طلب کرنے کا فیصلہ کرتے ہوئےدرخواستوں کی سماعت 24 فروری تک ملتوی کردی۔

تفتیشی افسرنے بتایا کہ کل جی آئی ٹی کا اجلاس ہے، درخواست پہلے نمٹائی جا چکی تھی۔ خواجہ سیف الاسلام ایڈووکیٹ نے کہا کہ ہمیں یقین دلایا گیا تھا کہ جے آئی ٹی کیس کا جائزہ لے گی۔ لیکن ابھی تک کوئی پیشرفت نہیں ہوئی،اس لیے دوبارہ عدالت آئے۔

وکیل درخواست گزارنے کہا کہ دوسال کا بچہ سمیرشیرشاہ سے لاپتہ ہوگیا ہے جس پر جسٹس نعمت پھلپوٹونے تفتیشی افسرسے استفسار کیا کہ کیا بچے کی گمشدگی کا مقدمہ ہوا، تفتیشی افسرنے جواب دیا کہ مقدمہ ہو گیا تفتیش اور تلاش شروع ہو چکی ہے۔

سرکاری وکیل نے بتایا کہ لاپتہ شہری بلال کو مقدمے میں گرفتاری ظاہر کی گئی ہے جس پرعدالت نے شہری کی گمشدگی سے متعلق درخواست نمٹا دی۔