ڈیرہ اسماعیل خان؛ تھانہ چودھوان پر دہشتگردوں کا حملہ، 10 اہلکار شہید

ویب ڈیسک

05th Feb, 2024. 09:28 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ڈیرہ اسماعیل خان؛ تھانہ چودھوان پر دہشتگردوں کا حملہ، 10 اہلکار شہید

ڈیرہ اسماعیل خان میں تھانہ چودھوان پر دہشت گردوں کے حملے کے نتیجے میں 10 پولیس اہلکار شہید ہو گئے۔

نامعلوم ملزمان نے رات گئے بھاری ہتھیاروں سے تھانہ چودھوان پر حملہ کیا، تاہم پولیس اور دہشت گردوں میں فائرنگ کا تبادلہ 2 گھنٹے تک جاری رہا۔

حملے میں دہشت گردوں نے پولیس اہلکاروں پر فائرنگ کی جس کی زد میں آکر 10 پولیس اہلکار شہید اور 6 زخمی ہو گئے۔

دہشت گرد حملے میں زخمی ہونے والے اہلکاروں کو اسپتال منتقل کردیا گیا ہے جبکہ پولیس لائن کی بھاری نفری متاثرہ تھانے میں موجود ہے۔

یہ بھی پڑھیں: ڈیرہ اسماعیل خان میں دہشتگردوں کا حملہ، 3 پولیس اہلکار شہید

اس حوالے سے آئی جی خیبرپختونخوا اختر حیات خان نے اپنے جاری کردہ بیان میں کہا کہ ڈیرہ اسماعیل میں درابن تھانا پر رات گئے دہشتگردوں نے حملہ کیا، دہشت گرد حملے میں پولیس کے 10 جوان شہید ہوئے۔

انہوں نے کہا کہ دہشت گردوں کو جلد انجام تک پہنچایا جائے گا، افسوس ناک سانحے سے پولیس سے حوصلے پست نہیں ہوں گے۔

اختر حیات خان نے مزید کہا کہ علاقے میں سرچ آپریشن شروع ہے، دہشت گرد حملے میں زخمی 6 اہلکاروں کا بہترین اسپتالوں میں علاج ہوگا۔