ڈیرہ اسماعیل خان میں تھانہ درابن پر دہشت گردوں کے حملے میں 3 پولیس اہلکار شہید ہوگئے ہیں۔
پولیس کے مطابق ڈیرہ اسماعیل خان میں دہشت گردوں نے بارود سے بھری گاڑی تھانے کے مین گیٹ سے ٹکرا دی جس کے نتیجے میں 3 جوانوں شہید اور 16 کے قریب زخمی ہو گئے۔
شہید ہونے والوں میں حوالدار ریاست اور سپاہی ذوالفقار شامل ہیں جبکہ زخمیوں کو ڈیرہ اسماعیل خان اسپتال منتقل کر دیا گیا ہے، واقعے کے بعد اسپتال میں ایمرجنسی بھی نافذ کر دی گئی ہے۔
دوسری جانب چیئرمین پیپلزپارٹی بلاول بھٹو زرداری نے بھی ڈیرہ اسماعیل خان میں دہشت گردی کی مذمت کرتے ہوئے کہا کہ پولیس اور سیکیورٹی فورسز پر حملے کرنے والے ناقابل معافی ہیں، دہشت گردی کی نرسریوں کو ختم کرنے کیلئے نیشنل ایکشن پلان پر عمل کیا جائے۔
بلاول بھٹو زرداری نے پولیس اہلکاروں کی شہادت پر اظہار افسوس اور زخمیوں کی جلد صحت یابی کیلئے دعا بھی کی۔
بعدازاں نگران وزیر اعلیٰ بلوچستان علی مردان ڈومکی نے بھی ڈیرہ اسماعیل خان میں پولیس اسٹیشن پر دہشتگرد حملے کی مذمت کی اور شہداء کو خراج عقیدت، پسماندگان سے تعزیت کا اظہار کیا۔
انہوں نے مزید کہا کہ بحالی امن کے لئے سیکیورٹی فورسز کی قربانیاں رائیگاں نہیں جائیں گی، ایسی بزدلانہ کارروائیوں سے سیکیورٹی فورسز کے حوصلے پست نہیں ہوسکتے، پوری قوم دہشتگردی کے خلاف جنگ میں جانیں قربان کر نے والے شہداء کو خراج عقیدت پیش کرتی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News