سندھ ہائی کورٹ نے آئی جی جیل خانہ جات کی تقرری غیر قانونی قراردیتے ہوئے نوٹیفکیشن کالعدم قرار دے دیا۔

جسٹس جنید غفار اور عدنان الکریم پر مشتمل ڈویژن بنچ نے 13اکتوبر 2023 کا نوٹیفکیشن کالعدم قرار دے دیا۔

آئی جی جیل خانی جات سید منورعلی شاہ کی تقرری کی خلاف سینیئر جیل پولیس افسراعجاز علی نے درخواست دائر کی تھی۔

درخواست گزار کی جانب سے مؤقف اپنایا گیا کہ درخواست گزارسینیارٹی لسٹ میں پہلے نمبرپرجبکہ سید منورعلی شاہ چوتھے نمبر پر آتے ہیں، ان کی تقرری کو کالعدم قراردیا جائے۔

خاتون کا شناختی کارڈ نہ بنانےکےخلاف درخواست

دوسری جانب نادرا کی جانب سے خاتون کا شناختی کارڈ نہ بنانے کے خلاف درخواست کی سماعت کرتے ہوئے سندھ ہائی کورٹ نے  ایک بار پھرنادرا و دیگر فریقین کو نوٹس جاری کردیے۔

عدالت نے درخواست کی سماعت 29 فروری تک ملتوی کردی۔

درخواست گزار خاتون سیرت فاطمہ نے مؤقف اپنایا تھا کہ میری بیٹی اورشوہر کا شناختی کارڈ بن چکا ہے، شناختی کارڈ نہ بننے کی وجہ سے پریشانی کا سامنا کرنا پڑ رہا ہے، حج وعمرہ پر جانا چاہتی ہوں لیکن شناختی کارڈ نہیں بنا ہوا، نادرا بلاوجہ درخواست گزار کو تنگ کررہا ہے۔

وکیل درخواست گزارنے کہا کہ جب بیٹی اورشوہر کا شناختی کارڈ بن گیا تو خاتون کا کیوں نہیں بنا رہے، استدعا ہے کہ خاتون کو شناختی کارڈ بناکر دینے کا حکم دیا جائے۔