غزہ میں فوری جنگ بندی کے لیے اقوام متحدہ میں ووٹنگ، امریکہ کی دھمکی

ویب ڈیسک

19th Feb, 2024. 02:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

غزہ میں فوری جنگ بندی کے لیے اقوام متحدہ میں ووٹنگ، امریکہ کی دھمکی

غزہ میں فوری جنگ بندی کے لیے اقوام متحدہ کی سلامتی کونسل میں 20 فروری کو ہونے والی ووٹنگ کو امریکہ نے ویٹو کرنے کی دھمکی دے دی۔

الجزائر کی درخواست پر سلامتی کونسل کے اجلاس میں منگل کو ووٹنگ کرنے کا امکان ہے تاہم امریکہ نے اس ووٹنگ کو ویٹو کرنے کی دھمکی دے دی ہے۔

خبر رساں ادارے کے مطابق غزہ سے متعلق الجزائر نے ایک ہفتے قبل قرارداد کا مسودہ پیش کیا تھا جب کہ الجزائر نے اپنی درخواست میں اپیل کی تھی کہ ووٹنگ منگل کو کرائی جائے۔

تاہم اب امریکا نے عندیہ دیا ہے کہ وہ اس قرارداد پر ووٹنگ کے عمل کو ویٹو کردے گا۔

خیال رہے کہ غزہ میں اسرائیلی بمباری کا سلسلہ جاری ہے، گذشتہ 24 گھنٹوں کے دوران 127 فلسطینی شہید جب کہ 205 زخمی ہوگئے ہیں۔

اسرائیل نے ال امل اسپتال پر شیلنگ کی جب کہ خان یونس کے ناصر اسپتال میں بجلی اور آکسیجن کی سپلائی منقطع ہونے کی وجہ سے 8 افراد شہید ہوگئے۔

واضح رہے کہ غزہ میں شہادتوں کی مجموعی تعداد 29 ہزار تک جا پہنچی ہے جب کہ 68 ہزار 883 فلسطینی زخمی ہوچکے ہیں۔