پنجاب کی نو منتخب وزیر اعلیٰ مریم نواز نے رمضان المبارک کی آمد کے حوالے سے صوبے میں خصوصی پیکج کا اعلان کر دیا ہے۔

تفصیلات کے مطابق وزیر اعلیٰ پنجاب مریم نواز نے سول سیکریٹریٹ کا دورہ کیا اور رمضان پیکیج میں 65 لاکھ گھروں میں راشن پیکٹ دہلیز پر پہنچانے کے احکامات جاری کیے۔

اس موقع پر چیف سیکریٹری نے کہا کہ لاکھوں گھروں تک رمضان پیکج کے پیکٹ پہنچایا ایک مشکل کام ہے، جس پر مریم نواز نے سوال کیا کہ کیا آپ کے لیے 65 لاکھ گھروں میں راشن پہنچانا ممکن ہے؟

چیف سیکریٹری نے کہا کہ وزیراعلیٰ پنجاب مریم نواز نے پیکیج عوام تک پہنچانے کے احکامات دیئے ہیں۔

چیف سیکریٹری نے کہا کہ وزیر اعلیٰ کو بیوروکریسی نے خصوصی پیکیج پرعملدرآمد کی مشکلات سے آگاہ کیا ہے۔

وزیراعلیٰ پنجاب مریم نواز کو آئندہ مالی سال بجٹ کی تیاری کی بریفنگ دی گئی، اور سول سیکریٹریٹ افسران اورملازمین سے تفصیلی تعارف کروایا گیا، اور انہیں سول سیکریٹریٹ کے عہدوں کے اسٹرکچر پربریفنگ دی گئی۔

وزیراعلیٰ مریم نواز نے اسپتالوں کی ری ویمپنگ کو جلد مکمل کرنے کے خصوصی احکامات دیئے۔

چیف سیکریٹری نے مزید کہا کہ وزیراعلیٰ پنجاب مریم نواز اداروں کے سسٹم کو جاننا چاہتی تھیں۔

وزیراعلیٰ پنجاب مریم نواز نے 15 کال سینٹر کا بھی دورہ کیا اور لیڈی پولیس کمیونی کیشن آفیسرز سے ڈیسک پرجا کر بات چیت کی۔

وزیراعلیٰ مریم نواز نے سیف سٹی مانیٹرنگ کے عمل کا مشاہدہ کیا، انہوں نے تونسہ کی فیکٹری میں چوری کی کال پر رسپانس کا جائزہ لیا۔

وزیر اعلیٰ مریم نواز نے 15 پر کال کر کے پولیس رسپانس اور ٹائم چیک کیا، انہوں نے لیڈی پولیس کمیونی کیشن آفیسرکو دیکھ کر مسرت کا اظہار بھی کیا۔