پاک بحریہ کا گوادر کے بارش سے متاثرہ علاقوں میں ریلیف آپریشن جاری

سلمان علی اعوان

01st Mar, 2024. 10:03 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاک بحریہ کا گوادر کے بارش سے متاثرہ علاقوں میں ریلیف آپریشن جاری

پاک بحریہ کا گوادر کے بارش سے متاثرہ علاقوں میں ریلیف آپریشن جاری ہے۔

پاک بحریہ کی جانب سے حالیہ تباہ کن بارشوں کے نتیجے میں گوادر کی سیلاب سے متاثرہ آبادی کو امداد فراہم کی جا رہی ہے، پاک بحریہ کے جوان مقامی انتظامیہ کے ہمراہ شہر کے مختلف علاقوں میں گھروں اور گلیوں سے سیلابی پانی نکالنے میں مصروف ہیں۔

پاک بحریہ کی کشتیاں، غوطہ خور اور موبائل میڈیکل ٹیمیں کسی بھی ہنگامی صورتحال سے نمٹنے کے لئے ہمہ وقت تیار ہے۔

پاک بحریہ کے جوان سول انتظامیہ کے ساتھ مل کر سڑکوں کی جلد بحالی کے لیے کوشاں ہیں تاکہ امدادی سرگرمیوں کو بلا رکاوٹ جاری رکھا جا سکے۔

مزید پڑھیں: طوفانی بارشیں: گوادر کو آفت زدہ قراردے دیا گیا

پاک بحریہ کی ٹیمیں گوادر کے مختلف علاقوں میں سیلاب متاثرین کو کھانے کی اشیاء، پینے کا پانی اور راشن فراہم کر رہی ہیں جبکہ راشن کی تقسیم کے ساتھ مقامی سیلاب متاثرہ افراد کو طبی امداد بھی فراہم کی جا رہی ہے۔

اس کے علاوہ پاک بحریہ کی میڈیکل ٹیمز میڈیکل کیمپ میں علاج معالجے اور ادویات کی مفت سہولیات مہیا کر رہی ہیں۔

پاک بحریہ قدرتی آفات کے دوران امدادی سرگرمیوں میں ہمیشہ پیش پیش رہی ہے، تاہم پاک بحریہ گوادر کے تمام متاثرہ افراد کی مکمل بحالی تک ریسکیو اور ریلیف آپریشن جاری رکھنے کے لئے پرعزم ہے۔