پی ایس ایل 9 میں بابر اعظم اور شاہین آفریدی نے بیٹنگ میں اچھی کارکردگی کا مظاہرہ کیا ہے۔

پی ایس ایل 9 میں بابر اعظم کا 243 اسٹرائیک ریٹ کے ساتھ ڈیتھ اوورز میں شاندار 17-20 اسٹرائیک ریٹ ہے جب کہ شاہین آفریدی کا اسٹرائیک ریٹ بھی 219 ہے۔

بابر اعظم کی ٹیم پشاور زلمی نے سپر فور مرحلے میں کوالیفائی کرلیا ہے جب کہ شاہین آفریدی کی ٹیم لاہور قلندرز بدقسمتی سے کوالیفائی نہیں کرسکی ہے۔

خیال رہے کہ پاکستان سپر لیگ سیزن 9 میں اب تک 30 میچز کھیلے جاچکے ہیں جس کے بعد ٹاپ فور ٹیمیں فائنل ہوگئی ہیں جب کہ پہلا کوالیفائر آج کھیلا جارہا ہے اور ایلیمینٹر ون کل ہوگا۔

آج پشاور زلمی کا مقابلہ ملتان سلطانز سے کراچی کے نیشنل بینک اسٹیڈٰیم میں کھیلا جارہا ہے جس میں جیتنے والی ٹیم فائنل میں کوالیفائی کرجائے گی۔

پی ایس ایل 9 میں ایلیمینیٹر ون کل اسلام آباد یونائیٹڈ اور کوئٹہ گلیڈی ایٹرز کی ٹیموں کے درمیان کھیلا جائے گا جس میں جیتنے والی ٹیم کا مقابلہ ایلیمینیٹر ٹو میں کوالیفائر کی رنر اپ ٹیم سے 16 مارچ کو ہوگا۔

ایلیمینیٹر ٹو میں جیتنے والی ٹیم 17 مارچ کو کوالیفائر جیتنے والی ٹیم سے فائنل میں مدمقابل ہوگی جو کہ کراچی میں ہی کھیلا جانا ہے۔