کراچی میں امن قائم نہ ہوا تو عید کے بعد وزیراعلیٰ ہاؤس کا گھیراؤ کرینگے، فاروق ستار

ویب ڈیسک

25th Mar, 2024. 03:51 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

کراچی میں امن قائم نہ ہوا تو عید کے بعد وزیراعلیٰ ہاؤس کا گھیراؤ کرینگے، فاروق ستار
سندھ میں ضمنی بلدیاتی انتخابات، پیپلز پارٹی کا پلڑا بھاری، 16 نشستیں جیت لیں
اقوام متحدہ میں نائب وزیراعظم اسحاق ڈار کا خطاب، غیر منصفانہ مالیاتی نظام اور قرض بحران پر کڑی تنقید
وزیراعظم اور سری لنکن صدر کی ملاقات، دوطرفہ تعلقات کو نئی جہت دینے پر اتفاق

Now Reading:

کراچی میں امن قائم نہ ہوا تو عید کے بعد وزیراعلیٰ ہاؤس کا گھیراؤ کرینگے، فاروق ستار

متحدہ قومی موومنٹ (ایم کیو ایم) پاکستان کے رہنما ڈاکٹر فاروق ستار نے کہا ہے کہ کراچی میں امن قائم نہ ہوا تو عید کے بعد وزیراعلیٰ ہاؤس کا گھیراؤ کریں گے۔

ایم کیو ایم کے رہنما ڈاکٹر فاروق ستار نے ڈکیتی مزاحمت میں فائرنگ سے جاں بحق ہونے والے عبدالرحمان کی نماز جنازہ کے بعد میڈیا سے گفتگو کرتے ہوئے کہا کہ اگر ہماری جانیں اسی طرح جاتی رہیں تو ہم ٹیکس نہیں دیں گے۔

انہوں نے کہا کہ ہم یہ ٹیکس جان و مال کی حفاظت کے لیے دیتے ہیں، ہم پر یہ ٹیکس حرام ہے اگر ہم اسے دیں لیکن ہماری جان و مال، عزت محفوظ نا رہے، یہ سول نافرمانی نہیں اپنے حق کی بات ہے۔

فاروق ستار نے کہا کہ کراچی کو دہشتگردوں اور ڈکیتوں کے رحم وکرم پر چھوڑ دیا ہے، صوبائی حکومت شہر میں امن امان کے قیام میں ناکام ہو چکی ہے۔

ایم کیو ایم کے رہنما نے مزید کہا کہ ہمارا صبر اب اپنی تمام حدود کو پار کر چکا ہے، اب اس کی روک تھام ہونی چاہیے، اگر شہر میں امن قائم نہ ہوا تو عید کے بعد وزیر اعلی ہاؤس کاگھیراؤ کریں گے۔

واضح رہے کہ کراچی شہر میں عبدالرحمان کی ہلاکت کے بعد رواں سال ڈکیتی مزاحمت پر جاں بحق شہریوں کی تعداد 45 ہوگئی ہے۔