کراچی میں آج آندھی کے ساتھ بارش متوقع

مریم حسن

13th Apr, 2024. 09:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں آج آندھی کے ساتھ بارش متوقع

شہر قائد میں آج گرج چمک کے ساتھ بارش کا امکان ہے۔

محکمہ موسمیات کے مطابق مغربی ہواؤں کا سلسلہ ملک کے بالائی علاقوں پر مسلسل اثر انداز ہو رہا ہے، مغربی سسٹم آج سے ملک کے جنوبی اور مغربی علاقوں میں داخل ہو گا۔

محکمہ موسمیات نے بتایا کہ آج سے شہر میں کہیں گرج چمک کے ساتھ اور کہیں درمیانی شدت کی بارش کا امکان ہے جبکہ بارش کے دوران آندھی چلنے کا بھی امکان ظاہر کیا گیا ہے۔

محکمہ موسمیات کا مزید کہنا ہے کہ کراچی میں بارش کا سلسلہ دو روز تک جاری رہے گا جس کے پیش نظر پی ایم ڈی اے نے موسم کی صورتِ حال پر ہائی الرٹ بھی جاری کردیا ہے۔

دوسری جانب چمن سمیت شمالی بلوچستان میں گرج چمک کے ساتھ بارشوں کا اسپیل شروع ہوچکا ہے، بارشوں کے آغاز کے ساتھ ہی موسم خوشگوار ہوگیا ہے جبکہ محکمہ موسمیات نے لاہور میں بھی آج سے بارش کا امکان ظاہر کیا ہے۔

محکمہ موسمیات کے مطابق مری، گلیات، راولپنڈی، اٹک، چکوال ، ڈی جی خان، بھکر، لیہ اور ملتان میں آندھی متوقع ہے جبکہ چند مقامات پر گرج چمک کے ساتھ بارش اور ژالہ باری بھی متوقع ہے۔