اسرائیل ایران کشیدگی پر فرانس، بھارت، روس اور برطانیہ نے سفری انتباہ جاری کر دیا ہے۔
تفصیلات کے مطابق فرانس، بھارت، روس، پولینڈ اور برطانیہ سمیت کئی ممالک نے اپنے شہریوں کو خبردار کیا ہے کہ وہ اسرائیل، مقبوضہ فلسطینی علاقوں اور بعض صورتوں میں وسیع تر علاقے کا سفر نہ کریں۔
سفری ہدایات میں کہا گیا ہے کہ رواں ماہ دمشق میں ایران کے قونصل خانے پر حملے کے جواب میں ایرانی حملے کا خطرہ ہے۔
یہ انتباہ ایک ایسے وقت میں سامنے آیا ہے جب تہران نے یکم اپریل کو شام میں ایرانی قونصل خانے پر مہلک حملے پر اسرائیل کے خلاف انتقامی کارروائی کا وعدہ کیا ہے۔
یاد رہے کہ ایران نے یکم اپریل کو شام کے دارالحکومت دمشق میں ہونے والے حملے پر اسرائیل کے خلاف انتقامی کارروائی کی دھمکی دی ہے جس میں پاسداران انقلاب کے دو جنرلوں سمیت سات اہلکار ہلاک ہوئے تھے۔
فرانس کی وزارت برائے یورپ اور خارجہ امور نے بھی اپنے شہریوں کو ایران، لبنان، اسرائیل اور فلسطینی علاقوں کا سفر نہ کرنے کا مشورہ دیا ہے۔
وزارت خارجہ نے سوشل میڈیا پلیٹ فارم ایکس پر ایک بیان میں مزید کہا کہ ایران میں مقیم سفارت کاروں کے رشتہ دار فرانس واپس آ جائیں گے اور فرانسیسی سرکاری ملازمین پر اب ان ممالک اور علاقوں میں کسی بھی مشن کے انعقاد پر پابندی عائد کردی گئی ہے۔
برطانیہ نے اپنے شہریوں سے کہا ہے کہ وہ ایران کی جانب سے اسرائیلی سرزمین پر حملے کے امکان کے پیش نظر اسرائیل اور فلسطین کے تمام ضروری سفر سے گریز کریں۔
برطانوی وزارت خارجہ اور دولت مشترکہ کے دفتر نے ایک تازہ ترین بیان میں شمالی اسرائیل، غزہ کی پٹی، غزہ کے قریب کے علاقوں اور مقبوضہ مغربی کنارے کے علاقوں میں سفر سے گریز کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News