سستی روٹی کا معاملہ، تندور مالکان اور حکومت کے مابین تنازعہ شدت اختیار کرنے لگا

ویب ڈیسک

16th Apr, 2024. 03:27 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

سستی روٹی کا معاملہ، تندور مالکان اور حکومت کے مابین تنازعہ شدت اختیار کرنے لگا
قانونی طریقے سے بیرون ملک سرمایہ کاری کرنا غلط نہیں ہے، وزیر داخلہ
تمام اداروں میں دہری شہریت کے قانون پر عملدرآمد ہونا چاہیے، مصطفیٰ کمال
ایسوسی ایشن آف الیکٹرانک میڈیا ایڈیٹرز اینڈ نیوز ڈائریکٹرز کے نو منتخت عہدیداروں کو وزیر اعظم کی مبارکباد

Now Reading:

سستی روٹی کا معاملہ، تندور مالکان اور حکومت کے مابین تنازعہ شدت اختیار کرنے لگا

تندور مالکان اور حکومت کے مابین سستی روٹی اور نان کی دستیابی کے معاملے پر تنازعہ شدت اختیار کرنے لگا۔

عوام کو سستی روٹی کی فراہمی کے لئے وزیر خوراک پنجاب بلال یاسین نے چھاپے شروع کر دئیے، مہنگی روٹی اور نان بیچنے پر 14 افراد کو موقع سے گرفتار کر لیا گیا۔

بلال یاسین نے روٹی نان کی قیمتوں کا جائزہ لینے کیلئے شادمان اور مسلم ٹاؤن کے علاقے کا دورہ کیا۔

وزیر خوراک پنجاب نے مہنگی روٹی بیچنے پر وحدت روڈ پر 2 پوائینٹس سیل کر دیے۔

ان کا کہنا ہے کہ عادی مجرمان کو جیل کی سلاخوں کے پیچھے بھجوائیں گے، انتظامیہ دفاتر سے نکلے اور عوامی ریلیف کیلئے فیلڈ میں موثر کردار ادا کرے، نئی قیمتیں تمام اعداد و شمار دیکھنے کے بعد نوٹیفائی کی گئیں، کسی کو مصنوعی مہنگائی کی اجازت نہیں دیں گے۔

بلال یاسین نے کہاکہ لاہور میں روٹی 16 روپے، نان 20 روپے میں یقینی بنا رہے ہیں، ضلعی انتظامیہ تمام بازاروں میں پرائس لسٹ آویزاں کروائیں، آٹے کی قیمت میں تاریخی کمی ہوئی، اس کے ثمرات نچلی سطح تک لائیں گے۔

انہوں نے مزید کہاکہ 20 کلو آٹے کے تھیلے کی قیمت میں 500 روپے کی کمی کی، درست قیمت کیساتھ روٹی اور نان کا وزن بھی پورا کروا رہے ہیں۔