خیبرپختونخوامیں سیکیورٹی فورسز کی 2 کارروائیاں،11 دہشت گرد جہنم واصل

سلمان علی اعوان

22nd Apr, 2024. 04:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختونخوامیں سیکیورٹی فورسز کی 2 کارروائیاں،11 دہشت گرد جہنم واصل

سیکیورٹی فورسزکی ڈی آئی خان اورشمالی وزیرستان میں کارروائیوں کے دورن 11 دہشت گردوں کو واصلِ جہنم کیا گیا۔

تفصیلات کے مطابق پاک فوج کے شعبہ برائے تعلقاتِ عامہ آئی ایس پی آرکا کہنا ہے کہ خیبرپختونخوا میں سیکیورٹی فورسز کی 2 کارروائیوں کے دوران 11 دہشت گرد مارے گئے۔

آئی ایس پی آر کے مطابق سیکیورٹی فورسزنے ڈیرہ ا سماعیل خان میں انٹیلیجنس بیسڈ آپریشن کیا۔ سیکیورٹی فورسز نے دہشتگردوں کی موجودگی کی اطلاع پر کارروائی کی۔

آئی ایس پی آر کا کہنا ہے کہ کارروائیوں کے دوران سیکیورٹی فورسز اور دہشت گردوں میں شدید فائرنگ کا تبادلہ ہوا۔ ڈیرہ اسماعیل خان میں سیکیورٹی فورسز کی کارروائی میں 10 دہشت گرد مارے گئے۔

آئی ایس پی آر کے مطابق شمالی وزیرستان میں دہشت گردوں کے ٹھکانے کے خلاف ہونے والی کارروائی میں ایک دہشت گرد مارا گیا۔ سیکیورٹی فورسز کی کارروائیوں میں مارے جانے والے دہشت گرد فورسز کے ساتھ شہریوں کے خلاف بھی کارروائیوں میں ملوث تھے۔

آئی ایس پی آر کی جانب سے جاری بیان میں کہا گیا کہ مارے جانے والے دہشت گردوں کے قبضے سے بڑی مقدار میں اسلحہ اور دیگر گولہ بارود برآمد کیا گیا۔

مقامی آبادیوں کی جانب سے سیکیورٹی فورسز کی کارروائیوں کا خیر مقدم کیا گیا۔