بیل آؤٹ پیکیج پر بات چیت کیلئے آئی ایم ایف وفد کا پاکستان آنے کا امکان

عمر حیات خان

03rd Jul, 2024. 10:29 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بیل آؤٹ پیکیج پر بات چیت کیلئے آئی ایم ایف وفد کا پاکستان آنے کا امکان

اسلام آباد: بیل آؤٹ پیکیج پر بات چیت کے لئے عالمی مالیاتی فنڈ (آئی ایم ایف) وفد کا رواں ماہ کے وسط تک پاکستان آنے کا امکان ہے۔

ذرائع وزارت خزانہ کے مطابق آئی ایم ایف وفد مشن چیف نیتھن پورٹر کی قیادت میں پاکستان آئے گا جبکہ آئی ایم ایف کے ساتھ پاکستانی حکام کے ورچوئل مذاکرات جاری ہیں۔

ذرائع نے بتایا کہ آئی ایم ایف کے تمام مطالبات بجٹ میں تسلیم کرلئے گئے ہیں، پیشگی اقدامات کی تکمیل کے بعد آئی ایم ایف وفد نے دورہ کی یقین دہانی کرائی ہے۔

وزارت خزانہ کے ذرائع کا کہنا ہے کہ بجلی کی فی یونٹ قیمت میں اضافے کا مطالبہ بھی جلد پورا کیے جانے کا امکان ہے، تاہم پاکستان کو توسیعی فنڈ سہولت پروگرام کے تحت آئی ایم ایف 8 ارب ڈالر درکار ہیں۔

ذرائع نے مزید بتایا کہ پاکستان نے آئی ایم ایف پروگرام کی رقم بڑھانے کی درخواست کی ہے، تاہم آئی ایم ایف ایس ڈی آر کوٹہ میں اضافے کے بعد اضافی قرض ملنے کا امکان ہے۔