ایف آئی اے کی بڑی کارروائی، کورنگی میں جعلی ادویات کی فیکٹری پر چھاپہ

احمد افضل

05th Aug, 2024. 06:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایف آئی اے کی بڑی کارروائی، کورنگی میں جعلی ادویات کی فیکٹری پر چھاپہ

ایف آئی اے اسٹیٹ بینک سرکل کراچی نے کورنگی کے علاقے میں بڑی کارروائی کرتے ہوئے ایک فیکٹری پر چھاپہ مار کر کروڑوں روپے کی جعلی ادویات برآمد کر لی۔

ڈرگ ریگولیٹری اتھارٹی کے ساتھ کارروائی میں کروڑوں مالیت کی مشتبہ ادویات کے علاوہ مشینری اور دیگر آلات برآمد ہوئے۔

رہائشی احاطےمیں قائم ادویات سازفیکٹری میں جعلی ادویات کی تیاری اورپیکنگ ہو رہی تھی، مذکورہ فیکٹری سے بھاری مقدار میں مشتبہ ادویات برآمد کر لی گئیں۔

چھاپے کے دوران اینٹی بائیوٹک ادویات کی بڑی کھیپ پکڑی گئی جن کو پیک کیا جا رہا تھا، چھاپے کے دوران فیکٹری کے مالک سید زیاد اور دیگر ملزمان کو گرفتار کر لیا گیا۔

گرفتار ملزمان کے مطابق ادویات مختف شہروں میں سپلائی کی جا رہی تھی، کارروائی میں ادویات کی پیکنگ کے لئے زیراستعمال آلات اور مشینری بھی برآمد کی گئی۔

ایف آئی اے کے مطابق بڑی تعداد مین پاوڈر اور لیکویڈ مکسنگ مشینین، پیکنگ مشینیں اور پرنٹنگ مشینیں برآمد کی گئی ہیں۔

ملزمان کے خلاف مقدمہ درج کر کے تحقیقات کا آغاز کر دیا گیا ہے جبکہ دیگر ملوث ملزمان کی گرفتاری کے لئے چھاپے مارے جا رہے ہیں۔