برطانوی عدالت نے ساؤتھ پورٹ پر فسادات میں ملوث 3 افراد کو سزا سنادی

ویب ڈیسک

07th Aug, 2024. 07:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

برطانوی عدالت نے ساؤتھ پورٹ پر فسادات میں ملوث 3 افراد کو سزا سنادی

لندن: لیور پول کی شاہی عدالت نے بلوہ اور فسادات میں حصہ لینے والے افراد کو قید کی سزائے سنادیں۔

غیر ملکی خبر رساں ادارے کے مطابق برطانیہ میں لیور پول کی شاہی عدالت نے ساؤتھ پورٹ میں فسادات میں ملوث 3 افراد کو سزا سنائی جب کہ ان افراد پر بلوہ اور فسادات میں حصہ لینے کا الزام ثابت ہوا ہے۔

رپورٹ کے مطابق عدالت نے فیصلے میں کہا کہ تین بچیوں کی ہلاکت پر غم و غصے کے معاملے کو بلوائیوں نے ہائی جیک کیا، بلوائیوں نے عوامی غم و غصے کو ہائی جیک کرکے لیور پول اور مرسی سائیڈ شہر کی شہرت اور عزت کو نقصان پہنچایا۔

رپورٹ میں کہا گیا ہے کہ تینوں ملزمان نے عدالت کے روبرو بلوہ اور فسادات میں حصہ لینے کا اعتراف کیا ہے۔

برطانوی وزیراعظم کی جانب سے فسادات میں ملوث افراد کے خلاف فاسٹ ٹریک قانونی کارروائی کے اعلان کے بعد شاہی عدالت نے پہلی سزائیں سنائی ہیں۔

ساؤتھ پورٹ سے تعلق رکھنے والے 58 سالہ مجرم ڈیرک پر ایمرجنسی ورکر پر حملہ کرنے اور تشدد کارروائیوں کا الزام بھی ثابت ہوا ہے۔

علاوہ ازیں 41 سالہ لیئم ریلی اور 29 سالہ ڈیکلن گیرن نے بھی عدالت میں پرتشدد کارروائیوں کا اعتراف کیا ہے۔